Follow us: Subscribe via RSS Feed Connect on YouTube Connect on YouTube

செவ்வாய், 31 டிசம்பர், 2013

2014 - துலாம் ராசி - ஆங்கில புத்தாண்டு பலன்கள்? ஆன்மீக ஜோதிடர் அதிர்ஷ்ட பெயரியல் ஆராய்ச்சியாளர் ஆர் ராவணன் BSC

0 கருத்துகள்
                                               
அன்பான வாசக உள்ளங்களுக்கு ஜோதிடர் ஆர். ராவணனின் வேண்டுகோள் . எமது இணைய தளத்தில் நீங்கள் வாசிக்கும் பயன் தரும் ஜோதிட கட்டுரைகளை வாசித்த பின்பு எமது இணைய தளத்தில் இருக்கும் விளம்பர படங்களை க்ளிக் செய்து அதனையும் பார்க்குமாறு அன்புடன் கேட்டு கொள்கிறேன் .

2014 - துலாம் ராசி - ஆங்கில புத்தாண்டு-  பொது பலன்கள்:

2014-ஆம் ஆண்டு துலா ராசிக்கு 3-ஆவது இடம் தனுசு ராசியிலும் 12-ஆவது இடம் கன்னி லக்னத்திலும் பிறக்கிறது. 2014-ஆம் வருட ராசி நாதன் குரு உங்கள் ராசிக்கு 9-ல் நின்று உங்கள் ராசியைப் பார்ப்பதால் செல்வாக்கும் சொல்வாக்கும் குறையாது. திட்டமிட்ட செயல்களைத் திருப்திகரமாக செயல்படுத்தலாம். "எங்கெங்கு காணினும் சக்தியடா' என்று மகாகவி பாரதியார் பாடிய மாதிரி இவ்வருடம் எங்கெங்கும் வெற்றி எதிலும் வெற்றி- தங்கு தடையில்லாமல் தன்னிகரில்லாத வெற்றி என்று வெற்றிகீதம் இசைக்கலாம்.

3-ஆம் இடம் தைரிய ஸ்தானம், சகாய ஸ்தானம், நட்பு ஸ்தானம், சகோதர ஸ்தானம். அப்படிப்பட்ட 3-ஆவது ராசியில் புதுவருடம் பிறப்பதோடு, அந்த ராசிநாதனே (குரு) உங்கள் ஜென்ம ராசியைப் பார்ப்பது விசேஷம்தான். ஆறு மாதம் கழித்து குரு 10-ஆம் இடமான கடகத்துக்கு மாறுவார். மாறினாலும் உச்சபலம் அடைவதால் வருடம் முழுக்கமுழுக்க அந்த யோகமும் வெற்றியும் தொடரும்.

நண்பர்களின் ஆதரவும், உடன்பிறந்தோரின் ஒத்துழைப்பும் உங்களுக்கு மன தைரியத்தையும் துணிவையும் தரும். 9-ஆம் இடம் பூர்வபுண்ணிய ஸ்தானம். பிதுரார்ஜித சொத்துகளைக் குறிக்கும் ஸ்தானம். துலா ராசிக்கு 6-க்குடைய குரு 9-ல் நிற்பதால், பூர்வீக சொத்து பங்குபாகங்களில் சகோதரிகளும் உரிமை கொண்டாடலாம். ஏற்கெனவே அவர்கள் திருமண காலத்திலேயே பொன்னாபரணங்கள், பண்டம் பாத்திரம், சீர்வரிசை என்று சிறப்பாக செய்துவிட்டபடியால், இனி இருக்கும் சொத்துகளில் பெண்பிள்ளைகள் உரிமை கொண்டாட முடியாது. கொண்டாடக்கூடாது என்று நீங்கள் கோரிக்கை வைக்கலாம். இருந்தாலும் அது செயல்படுமா என்பது அன்னையின் விருப்பப்படியே நடக்கலாம்.

அப்படியே பஞ்சாயத்து செய்து ஏதோ பேருக்கு ஒரு குறிப்பிட்ட தொகையைக் கொடுத்து சமாதானப்படுத்தலாம். ராஜபாளையம்- தென்காசிப் பாதையில், வாசுதேவநல்லூரிலிருந்து ஐந்து கிலோமீட்டரில் தாருகாபுரம் உள்ளது. பஞ்சபூதத் தலங்களில் அது நீர் (அப்பு) ஸ்தலம். சுவாமி மத்தியஸ்தநாதர். அம்பாள் அகிலாண்டேஸ்வரி. ஒரு காலத்தில் பாண்டிய மன்னனுக்கும் சேர மன்னனுக்கும் ஏற்பட்ட விவகாரத்தில் சுவாமியே மத்தியஸ்தம் பண்ணி சமரசப்படுத்தியதாக வரலாறு! இந்தக் கோவிலில் இன்னொரு சிறப்பு- தட்சிணாமூர்த்தி சிலையில் சனகாதி முனிவர்கள் நான்கு பேரோடு நவகிரகங்களும் பீடத்தைச் சுற்றி காட்சியளிக்கிறார்கள். இவரை வழிபடுவதால் நவகிரகங்களும் அனுக்கிரகங்களாக ஆசீர்வதிப்பார்கள் என்பது ஐதீகம். அத்துடன் பஞ்சாயத்து விவகாரத்திலும் உங்களுக்கு சாதகமான தீர்ப்பு உண்டாகும்.

12-ஆவது விரய ஸ்தானத்தில் ஆங்கிலப் புத்தாண்டு பிறப்பதால், இந்த வருடம் தவிர்க்க முடியாத செலவுகளும் ஏற்படும் என்றாலும் அவை சுபமங்களச் செலவுகளாகவே அமையும். ராசியில் யோகாதிபதியான சனி உச்சம் பெறுவதாலும், 2, 7-க்குடைய செவ்வாய் கன்னியா லக்னத்தில் இருப்பதாலும் குடும்பத்தில் சுபச் செலவுகள் உண்டாகும். திருமணம் ஆகாதவர்களுக்கு திருமணயோகமும், வாரிசு வேண்டுவோருக்கு வாரிசு யோகமும் உண்டாகும். 9-க்குடைய புதனும் 3-க்குடைய புதனும் பரிவர்த்தனையாக இருப்பதும் ஒரு காரணம்.

துலா ராசிநாதன் சுக்கிரன் 4-ல் அமர்ந்து 10-ஆம் இடம் கடகத்தைப் பார்க்கிறார். ஜென்ம ராசியில் உச்சம் பெற்ற சனியும் 10-ஆம் இடத்தைப் பார்க்கிறார். சனி ராஜயோகாதிபதியாவார். பிள்ளைகளைப் பெற்றெடுத்த பெற்றோர், பிள்ளைகளினால் பெருமையும் பேரானந்தமும் அடையலாம். படிப்பு, விளையாட்டு, கலைத்துறை, பேச்சுப்போட்டி, எழுத்துப்போட்டி என்று உங்கள் பிள்ளைகள் சாதனை படைத்து பேரும்புகழும் பரிசும் வாங்குவது உங்களுக்கு பெருமைதானே!

“"தந்தை மகற்காற்றும் உதவி அவையத்து முந்தியிருப்பச் செயல்' என்றும்,  "மகன் தந்தைக்காற்றும் கடன் இவன் தந்தை எந்நோற்றான் கொல் எனும் சொல்' என்றும் தந்தை- தனயன் கடமையை வள்ளுவர் குறிப்பிட்டுள்ளார். அதேபோல "ஈன்றபொழுதிற் பெரிதுவக்கும் தன் மகனைச் சான்றோன் எனக் கேட்ட தாய்' என்றும் சொல்லியிருக்கிறார். 2014-ல் பெற்றவர்களுக்கும் பிள்ளைகளுக்கும் பெருமை சேரும்.

புராணத்தில் தந்தையை மிஞ்சிய புதல்வன்- "கந்தக் கடவுள்!' இதிகாசத்தில் தந்தையைவிடப் புகழ்பெற்றவர்கள் "லவன் குசன்!' சரித்திரத்தில் தந்தை மோதிலால் நேருவைவிட புகழ்பெற்றவர் ஜவஹர்லால்நேரு- அவரைவிட புகழ்பெற்றவர் இந்திரா காந்தி! அந்தமாதிரி உங்களைவிட புகழ்பெறும் பாக்கியம் உங்கள் மக்களுக்கு உண்டு. 5-க்குடைய சனி உச்சம் பெற்று, அவரையும் 5-ஆம் இடத்தையும் 9-ஆம் இடத்தில் உள்ள குரு பார்த்த பெருமை அதுதான்.

ஒருசில பிள்ளைகளினால் பெற்றவர்கள் அடையும் வேதனையும் வடிக்கும் கண்ணீரும் சொல்லிமுடியாது. இப்படிப்பட்ட பிள்ளை இருப்பதை விட இறப்பதே மேல் என்று நினைக்கத் தோன்றும். 5-க்குடையவர் நீசமாகி 5-ல் பாபகிரக சம்பந்தம் இருக்கும் பெற்றோர் ஜாதகம் அப்படித்தான் அமையும். இப்படிச் சொன்னபடி கேட்காத பிள்ளைகள் திருந்துவதற்கு என்ன பரிகாரம் என்றால், 21 ஞாயிற்றுக்கிழமை காலை 6-00 மணி முதல் 7-00 மணிக்குள் சூரிய ஓரையில், நந்தி சந்நிதியில் நெய் விளக்கு ஏற்றி பிரார்த்திக்க வேண்டும்.

இந்த வருடம் குரு, ராகு- கேது, சனி ஆகிய மூன்று கிரகப் பெயர்ச்சிகள் ஏற்படும். ஜூன் மாதம் 13-ஆம் தேதி குருப்பெயர்ச்சியும், ஜூன் மாதம் 21-ல் ராகு- கேது பெயர்ச்சியும் ஏற்படும். ஆனால் சனிப்பெயர்ச்சி டிசம்பர் 16-ல் வருவதால் அதன் பலனை 2015-ல் விரிவாகக் காணலாம்.

13- 6- 2014-ல் மிதுன குரு கடகத்துக்கு மாறுவார். அதாவது துலா ராசிக்கு 9-ல் இருந்து 10-ஆம் இடத்துக்கு மாறுவார். 9-ஆம் இடத்தைவிட 10-ஆம் இடம் சர்வசாதாரண இடம்தான். 10-ஆம் இடத்து குரு பதிமாறச் செய்யும் என்பார்கள். ஆனால் குரு கடகத்தில் உச்சம் பெற்று- துலா ராசிக்கு 2-ஆம் இடத்தையும், 4-ஆம் இடத்தையும், 6-ஆம் இடத்தையும் பார்க்கப் போவதால், பாதிப்புக்கு இடமில்லை. மேலும் 10-ஆம் இடத்துக்கு (கடகத்துக்கு) குரு பாக்கியாதிபதி (9-க்குடையவர்) என்பதால் தொழில் கெடாது. வியாபாரம் விருத்தியடையும். புதிய வேலைவாய்ப்பும் உண்டாகும். 4-ஆம் இடத்தை குரு பார்ப்பதால் தேக ஆரோக்கியமும் சௌக்கியமும் உண்டாகும். சிலருக்கு வாகன பரிவர்த்தனை யோகம் உண்டாகும். சிலருக்கு பூமி, வீடு, வாகன யோகம் அமையும். சிலருக்கு தாய்வழிச் சொத்து கிடைக்கும். சிலருக்கு வேலை பார்க்கும் மனைவி பேரில் கடன் வாங்கி புது வீடு கட்டி கிரகப்பிரவேசம் செய்யும் யோகம் உண்டாகும்.

இன்னும் சிலர் ஒரு வட்டிக்கு வாங்கி இரண்டு வட்டிக்கு தாங்களே கையிலிருந்து கடனை அடைத்து நஷ்டப்பட்டது உண்டு. அப்படிப் பட்டவர்களுக்கு கடகத்தில் உச்சம் பெறும் குருவை ஜென்மத்தில் உச்சம் பெறும் சனி பார்ப்பதால், திடீர் தனப்ராப்தி யோகம் அமையும். பொதுவாக "உச்சனை உச்சன் பார்த்தால் பிச்சை எடுக்கச் செய்யும்' என்பது பழமொழி. ஆனால் சனியோடு ராகு- கேது சம்பந்தம் பெறுவதால் மேற்கண்ட விதிக்கு- விதிவிலக்கு ஆகும். கெட்டவன் கெட்டிடில் கிட்டிடும் யோகம். ஜூன் 21-ஆம் தேதி ராகு- கேது பெயர்ச்சிக்குப் பிறகும் அந்த யோகம் தொடரும். கேதுவை குரு பார்க்கவும், குருவை ராகு பார்க்கவும் ஒரு அமைப்பு ஏற்படும்.

21-ஆம் தேதி ராகு- கேது பெயர்ச்சி. துலா ராசிக்கு ஜென்மத்தில் நின்ற ராகு- 12-ஆம் இடத்துக்கு மாறுவார். 7-ஆம் இடத்தில் நின்ற கேது துலா ராசிக்கு 6-ல் மாறுவார். பாபகிரகங்கள் பாப ஸ்தானத்தில் நிற்பது யோக பலனாகும். கடந்த காலத்தில் (ஜென்ம ராகு - சப்தம கேது) கணவன்- மனைவிக்குள் கருத்துவேறுபாடும் சண்டையும் சச்சரவுமாக சஞ்சலப் பட்டவர்கள் உண்டு. அதிலும் வருமானம் உள்ள மனைவி- வருமானம் இல்லாத கணவரை அலட்சியப்படுத்துவதால் கணவருக்கு கௌரவப் பிரச்சினையாகி, அதைப் பொறுத்துக்கொள்ள முடியாமல் வெறுத்துப் போயிருப்பார்கள். இந்த ராகு- கேது பெயர்ச்சி அந்த மாதிரி குடும்பத்தில் நல்ல திருப்பத்தை ஏற்படுத்தும். அதாவது கணவருக்கு எப்படியாவது வருமானம் ஏற்பட்டு வைராக்கியமும் தெம்பும் உண்டாகிவிடும். அதனால் மனைவிகளும் கணவனுக்குரிய மரியாதையையும் கொடுத்து விடுவார்கள். "இல்லானை இல்லாளும் வேண்டாள்' என்று சும்மாவா பாடியிருக்கிறார்கள். கைப் பொருள் உள்ளானை எல்லாரும் எதிர்கொண்டு போற்றுவார்கள் அல்லவா!

20-2- 2014 வரை குரு வருடத்தொடக்கத்தில் வக்ரமாக இருப்பார். அடுத்து 2014 கடைசியில் நவம்பர் 27 முதல் குரு வக்ரம் அடைவார். பிப்ரவரி வரை குரு வக்ரமாக இருக்கும் காலம் மிதுனத்தில் இருப்பார். துலா ராசிக்கு 9-ல் வக்ரம் என்பது யோகம். தகப்பனார், பூர்வ புண்ணியம் வலுப்பெறும் காலம். தெய்வானுகூலம் தேடிவரும். குருவருளும் திருவருளும் பெருகும்.

நவம்பரில் குரு வக்ரம் அடையும்பொழுது துலா ராசிக்கு 10-ல் குரு உச்சமாக இருப்பார். அதுவும் நன்மையான காலமே! தொழில் உயர்வு, மேன்மை, பிரகாசம் ஏற்படும். கடகம் சந்திரன் ராசி! சந்திரன் மாநில அரசு கிரகம். சூரியன் மத்திய அரசு கிரகம். எனவே அரசுப்பணியில் இருப்பவர் களுக்கு பதவி உயர்வு, ஊதிய உயர்வு, விரும்பிய இடப்பெயர்ச்சி ஏற்பட இடமுண்டு. தொழில்துறையில் மாற்றம் இல்லாதவர்களுக்கு குடியிருப்பில் மாற்றம் ஏற்படும். அந்த மாற்றம் முன்னேற்றமான மாற்றமாக அமையும்.

2014 ஜூலை முதல் ஒரு மாத காலம் குரு அஸ்தமனமாக இருப்பார்.  குரு வக்ரம் அடையலாம். ஆனால் நீசமாகக்கூடாது. அஸ்தமனம் அடையக்கூடாது. அதனால் எந்த இடத்தில் இருக்கிறாரோ- எந்த இடத்தைப் பார்க்கிறாரோ- அவற்றில் எல்லாம் பிரச்சினைதான்.

அந்த மாதிரி சந்தர்ப்பங்களில் குரு பரிகார பூஜை செய்யவேண்டும். திருவண்ணாமலையிலிருந்து போளூர் போகும் பாதையில் கலசப்பாக்கத்திலிருந்து மூன்று கிலோமீட்டர் தொலைவில் பூண்டி என்னும் ஊர் இருக்கிறது. (மங்களத்தில் இருந்து ஒரு கிலோ மீட்டர்) அங்கு பூண்டிசாமி ஜீவசமாதி சென்று வழிபடவும். நவகிரகங்களின் தோஷங்கள் சித்தர்களின் ஜீவசமாதி சென்றுதான் போக்க வேண்டும்.

சனி வக்ரம்: ஜென்மத்தில் நிற்கும் உச்சனி 2014 மார்ச் 1-ஆம் தேதி முதல் வக்ரம் அடைவார். 28-6-2014 வரை சனி வக்ரம். இக்காலம் ஜென்மச் சனியின் தாக்கம் அதிகமாகவே இருக்கும். ஒரு கிரகம் வக்ரம் அடையும்போது அதன் பலன் உக்ரமாக இருக்கும். வக்ரத்தில் உக்ர பலம், நல்ல இடத்தில் இருந்தால் நல்ல பலன் உக்ரமாகவும் (அதாவது வேகமாகவும்), கெட்ட இடத்தில் இருந்தால் கெட்டபலன் வேகமாகவும் இருக்கும். இங்கு ஏழரைச் சனியில் ஜென்மச்சனி என்பதால், ஜென்மச் சனி சீரழிக்கும் என்பது போன்ற பலன் நடக்கும். ஆனால் பிறக்கும்போது உங்கள் ஜாதகத்தில் சனி வக்ரமாக இருந்தால், கோட்சாரத்தில் சனி வக்ரமடையும் காலம் யோகமான பலனாக இருக்கும். சனிப்ரீதியாக, சங்ககிரி பஸ் ஸ்டாப்பிலிருந்து பழைய இடப்பாடி பாதையில், சிவன் கோவிலில் சனி பகவான் தனிச் சந்நிதியில் தம்பதி சகிதம் காட்சியளிக்கிறார். சென்று வழிபடவும்.

2014 - துலாம் ராசி - ஆங்கில புத்தாண்டு மாத பலன்கள்:

ஜனவரி

இந்த மாதம் உங்களுக்கு இனிய மாதமாகத் திகழும். கலைத்துறையில் இருப்பவர்களுக்கு ஒருசில எதிர்ப்புகள் ஏற்படலாம். அரசியல் துறையில் இருப்பவர்களுக்கு முடிவெடுக்க முடியாதபடி குழப்பங்கள் ஏற்படலாம். வியாபாரிகள், தொழிலதிபர்களுக்கு முன்னேற்றமும் லாபமும் உண்டாகும்.

பிப்ரவரி

குடும்பத்தில் சுப நிகழ்ச்சிகள் ஏற்பாடு ஆகும். அதற்காக சுபக் கடன் வாங்கலாம். தேக சுகமும் ஆரோக்கியமும் சிறப்பாக அமையும். புதிய முயற்சிகள் கைகூடும். சிலருக்கு தொழில் மாற்றம் அல்லது இடமாற்றம் ஏற்படலாம். பொருளாதாரம் சரளமாக காணப்படும்.

மார்ச்

7-க்குடைய செவ்வாய் வக்ரம். (இரண்டு மாதம்). மனைவி அல்லது மனைவி வர்க்கத்தில் கருத்து வேறுபாடுகளும் தர்க்கங்களும் ஏற்படலாம். இருவரும் ஒரே கருத்தையே வலியுறுத்தினாலும் அதைச் செயல்படுத்தும் வழிமுறைகளில் விட்டுக்கொடுக்கும் மனப்போக்கு இருக்காது. எனவே மனத்தளர்ச்சி அடையாமல் அனுசரித்து நடக்க முயலவேண்டும்.

ஏப்ரல்

இந்த மாதமும் செவ்வாயின் வக்ரகதி தொடரும். கூடப்பிறந்தவர்களுடன் வம்பு, வழக்கு, வாக்குவாதங்கள் ஏற்படலாம். சொத்துப் பிரச்சினை, பங்குபாகப் பிரச்சினை மேலோங்கும். சொந்த பந்தத்தில் சிக்கல் ஏற்படலாம். அதனால் ஆரோக்கியமும் கெடலாம்; நிதானம் அவசியம்.

மே

கடந்த இரண்டு மாதமாக (மார்ச் முதல்- ஜூன்வரை) சனி வக்ரம்.  வக்ரத்தில் உக்ர பலம் என்பதால் கூட்டுத்தொழில் முயற்சிகளில் வெற்றியும் முன்னேற்றமும் உண்டாகும். குலதெய்வமும், அதன் எல்லையும் தெரியாமல் திண்டாடித் திரிந்தவர்களுக்கு குருப்பெயர்ச்சிக்குள் குலதெய்வமும் எல்லையும் தெரியும். பங்காளிகளுடன் போய் பூஜை செய்யலாம்.

ஜூன்

இம்மாதம் 13-ஆம் தேதி குருப்பெயர்ச்சி. 21-ஆம் தேதி ராகு- கேது பெயர்ச்சி. இந்த இரு பெயர்ச்சிகளும் உங்கள் எதிர்காலத்துக்கு நல்ல அஸ்திவாரமாக அமையும். திருமணத்தடை விலகும். புத்திர தோஷமும் அகலும். சுபமங்களச் செலவுகள் உண்டாகும். மகிழ்ச்சியான நிகழ்ச்சிகள் நடக்கும்.

ஜூலை

குரு அஸ்தமனம் அடையும் காலம். 10-ல் உச்சம் பெற்றும் அஸ்தமனம் அடைவதால் தொழில், உத்தியோகத்தில் சலனங்கள் ஏற்பட்டு விலகும். நண்பர்கள் வட்டாரத்திலும் பிரச்சினைகள் வெடிக்கும். பொருளாதாரமே அதற்கு காரணமாக அமையும். எதையும் யோசித்துச் செயல்படுவது நல்லது.

ஆகஸ்டு

வழக்கம்போல் எல்லா காரியங்களும் வழக்கப்படியே நடக்கும். கேடுகெடுதிக்கு இடமில்லை. தவிர்க்கமுடியாத திடீர் பயணத்தால் சிறு நன்மையை அனுபவிக்கலாம். கூட்டுத்தொழில் நடத்துகிறவர்கள் விவகாரம் பிடித்த வில்லங்க பார்ட்னரை விலக்கிவிட்டு மனதுக்குப் பிடித்த புது பார்ட்னரைச் சேர்க்கலாம். தொழில் விருத்தியடையும்.

செப்டம்பர்

உச்ச குருவும் உச்ச சனியும் ஒருவரையொருவர் பார்த்துக்கொள்வது ஒரு வகையில் நல்லதல்ல என்றாலும், ஜாதக தசாபுக்திகள் யோகமாக நடந்தால் எந்தச் சங்கடத்துக்கும் இடமிருக்காது. சிலசமயம் உங்கள் வாழ்க்கைப் பயணம் வேகக்குறைவாக ஓடும் வண்டிபோல நிதானமாக இருந்தாலும் பயணம் தடைப்படாது; சேரவேண்டிய இடத்துக்கு போய்ச் சேரலாம்.

அக்டோபர்

வெளிநாட்டுத் தொடர்புடையவர்களுக்கு ஆதாயம் கிடைக்கும். தனவரவு ஏற்படும். பொருளாதார நிலை திருப்திகரமாக அமையும். குடும்பத்தில் அன்பும் பாசமும் ஒற்றுமையும் உண்டாகும். இரும்பு சம்பந்தப்பட்ட தொழில் லாபகரமாக இருக்கும். உல்லாசப் பயணம் செய்வீர்கள். விமானப்பயணம் உண்டாகும். ஆரோக்கியமும் தெளிவாக விளங்கும்.

நவம்பர்

கோட்சார கிரகங்கள் அனுகூலமாக சஞ்சரிப்பதால் எந்தக் குறையும் இருக்காது; பாதிப்பும் இருக்காது. கௌரவம், புகழ், கீர்த்தி, செல்வாக்கு, ஆற்றல், திறமை, பெருமை எல்லாம் உங்களை வந்தடையும் காலம்! திட்டங்கள் வெற்றியடையும். காரியங்கள் கைகூடும்.

டிசம்பர்

டிசம்பர் கடைசியில் சனிப்பெயர்ச்சி. ஜென்மச் சனி விலகி 2-ஆம் இடம் மாறுவார். கடக குருவின் பார்வையைப் பெறுவார். எனவே ஏழரைச் சனி உங்களுக்கு பொங்கு சனிதானே தவிர மங்கு சனியல்ல! தங்கு தடையில்லாத முன்னேற்றமும் வெற்றியும் உண்டாகும். தெய்வப் பிரார்த்தனைகள் நிறைவேறும்.

சித்திரை நட்சத்திரக்காரர்களுக்கு

2014- ஆம் ஆண்டு மூல நட்சத்திரத்தில் பிறப்பதால், உங்கள் சித்திரை நட்சத்திரம் முதல் வருட நட்சத்திரம். மூலம் 6-ஆவது நட்சத்திரம்- சாதக தாரை! எனவே இந்த வருடம் உங்களுக்கு யோகமாகவும் அதிர்ஷ்டமாகவும் இருக்கும். பெரியோர்களின் ஆசி கிடைக்கும். தேகநலம் தெளிவாக இருக்கும். வீடு, மனை சம்பந்தமான திட்டங்கள் வெற்றியடையும்.

பரிகாரம்: அருப்புக்கோட்டை அருகில் திருச்சுளி சென்று திருமேனிநாதர் (பூமிநாதசுவாமி) துணைமாலையம்மையை வழிபடவும். ரமண மகரிஷி பிறந்த ஊர். சதானந்த முனிவர் வழிபட்ட தலம். பார்வதிதேவியார் தன்னை சிவபெருமான் மணம்புரிய வேண்டி வழிபட்ட தலம்.

சுவாதி நட்சத்திரக்காரர்களுக்கு

சுவாதி நட்சத்திரத்தில் இருந்து மூல நட்சத்திரம் (2014-ஆம் வருடம் பிறக்கும் நட்சத்திரம்) 5-ஆவது நட்சத்திரம். பகை நட்சத்திரம் என்றாலும், சுவாதி  ராகு சாரம்; மூலம் கேது சாரம் என்பதாலும் ராகு- கேது ஒரே கிரகம் என்பதாலும் விதிவிலக்கு உண்டு. மேலும் ராகு துலா ராசியிலும், கேது மேஷ ராசியிலும் சமசப்தமாக இருந்து பார்த்துக்கொள்வதாலும், குரு பார்வை ராகுவுக்குக் கிடைப்பதாலும் 2014-ல் உங்களுக்கு தேக ஆரோக்கியம், ஆயுள் விருத்தி, கல்வி யோகம், ஞானம், இனிய வாழ்வு ஆகிய எல்லா நன்மைகளையும் தருவது உறுதி.

பரிகாரம்: திருவையாறு- ஏனாகுறிச்சி வழி காமராசவல்லி சென்று கார்கோடக ஈஸ்வரரை வழிபடவும். பரீட்சித்து மகாராஜா, சர்ப்பம் தீண்டி சாகக்கடவது என்று முனிவரின் சாபத்திற்கு ஆளாகி அதேபோல இறந்தான். அதனால் அவன் மகன் சர்ப்ப யாகம் நடத்தி உலகத்தில் உள்ள எல்லா பாம்புகளையும் அக்னிக்கு இரையாக்கினான். சர்ப்பங்களின் தலைவன் கார்க்கோடகன் மட்டும் இவ்வூர் சிவபெருமானைச் சரணடைந்து உயிர் பிச்சை வேண்ட, சுவாமியும் அவனைத் தன் கழுத்தில் சூட்டிக்கொள்ள, உயிர் தப்பினான். பழுதடைந்திருந்த இந்தக் கோவிலை, இரண்டு வருடங்களுக்கு முன் புதுப்பித்து கும்பாபிஷேகம் நடத்த சங்கல்பம் செய்து, 100 சிவாச்சாரியார்களைக் கொண்டு ஸ்ரீருத்ர ஜெப பாராயணம் செய்து ஹோமம் நடத்தினார். இப்போதும் அங்கு மூல ஸ்தானத்துக்கு நாகராஜா வந்து போவதாகவும் பார்த்ததாகவும் அர்ச்சகர் கூறுகிறார். தஞ்சாவூர்- திருவையாறு- திருமானூர்- ஏனாகுறிச்சி  வழி காமரசவல்லியை அடையலாம். கும்பகோணத்திலிருந்து திருவையாறு போகலாம்.

விசாக நட்சத்திரக்காரர்களுக்கு:

2014-ஆம் ஆண்டு மூல நட்சத்திரத்தில் உதயமாகிறது. உங்கள் நட்சத்திரம் விசாகத்தில் இருந்து மூல நட்சத்திரம் 4-ஆவது நட்சத்திரம் ஹேம தாரை. எனவே இந்த வருடம் உங்களுக்கு மிகமிக இனிய வருடமாக அமையும். விசாகம் குரு நட்சத்திரம். குருவின் தனுசு ராசியில்தான் ஆங்கில புதுவருடம் உதயமாகிறது. குருவும் 9-ல் நின்று உங்கள் ராசியைப் பார்க்கிறார். எனவே 2014-ல் உங்களுடைய நீண்டகாலத் திட்டங்கள் நிறைவேறும். தேக ஆரோக்கியம் சிறப்பாக விளங்கும். உடலை வருத்திய எல்லா நோய்களும் விலகிப்போகும். அது கேன்சர் ஆனாலும் சரி; கிட்னி பிராப்ளமாக இருந்தாலும் சரி; ஹார்ட் அட்டாக்காக இருந்தாலும் சரி... பயப்படத் தேவையில்லை. டாக்டர்கள் பயமுறுத்தும் எல்லா நோய்களும் பக்தி வழிபாட்டால் நீங்கிவிடும்.

பரிகாரம்: காரைக்குடியில் நடராஜா தியேட்டர் கீழ்புறம் நாகநாத சுவாமி கோவில்- கிருஷ்ணமூர்த்தி பெருமாள் கோவில் அடுத்தடுத்து உள்ளன. அதன் எதிரில் தெப்பக்குளம். கரையில் அட்டமாசித்தி தட்சிணாமூர்த்தி சந்நிதி இருக்கிறது. வியாழக்கிழமை சென்று வழிபடவும். சோமு குருக்கள் செல்: 99438 19133-ல் தொடர்பு கொள்ளலாம்.


உங்கள் குடும்பத்தில் பிரச்சனையா? கணவன் - மனைவி - இருவருக்கும் இடையே கருத்து  வேறுபாடா? திருமணம் தாமதம் ஆகும் நிலையா? திருமணம் ஆகி உங்களுக்கு குழந்தை பாக்கியம் இல்லையா? பிறந்த உங்கள் குழந்தைக்கு அதிர்ஷ்டகரமான முறையில் பெயர் அமையவில்லையா? சொத்து பிரச்சனையா? நிரந்தரமான வேலை வாய்ப்பு அமையவில்லையா? நீங்கள் செய்யும் தொழிலில் நஷ்டமா? உங்கள் கடைக்கோ - உங்கள் நிறுவனத்துக்கோ அதிர்ஷ்டகரமான முறையில் பெயர் அமையவில்லையா? கடன் பிரச்சனையால் அவதிபடுகிறீர்களா? பதவி உயர்வு கிடைக்கவில்லையா? வெளி நாடு சென்று சம்பாதிக்கும் முயற்சியில் தோல்வியா? உடலில் தீராத வியாதியா? வாழ்க்கையின் முன்னேற்றத்திற்க்காக நீங்கள் எடுக்கும் ஒவ்வொரு முயற்சியிலும் தோல்வியா? கவலையே வேண்டாம். இதற்க்கு காரணம் உங்களின் ஜாதகம் யோகமாக அமைந்திருந்தாலும் கூட உங்களின் பெயரின் அமைப்பு - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - போன்றவற்றிக்கு நன்மை தராத தீய கிரகங்களின் ஆதிக்கத்தில் அமைந்திருக்கலாம் . இத்தகைய அனைத்து பிரச்சனைகளில் இருந்து விடுபட உங்களின் ஜாதக அமைப்பை நன்கு அலசி ஆராய்ந்து - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - இவைகளுக்கு உடனடியாக நன்மை தர கூடிய வகையில் உங்களின் பெயரை அதிர்ஷ்ட பெயரியல் சாஸ்த்திர முறைப்படி சிறு திருத்தம் செய்து வாழ்க்கையில் நீங்கள் எடுக்கும் ஒவ்வொரு முயற்சியிலும் வெற்றி அடைய ஜோதிடத்தின் மூலம் வளமான வாழ்க்கைக்கு வழிகாட்டுகிறோம் .  

வெளி நாட்டில் இருந்து எம்முடன் ஜோதிடம் பார்க்க விருப்பம் உள்ளவர்களுக்கு மெயில் மூலமாகவும் தொலை பேசி மூலமாகவும் ஜோதிட ஆலோசனை வழங்குகிறோம் .

தொடர்பு கொள்ள வேண்டிய முகவரி :
ஜோதிடர் :R.ராவணன் .B.Sc
ஜோதிடம், கைரேகை, எண்கணித ஜோதிடம், 
அதிர்ஷ்ட பெயரியல் ஆராய்ச்சியாளர்
ராஜா முத்தையா மருத்துவமனை அருகில்,
கலுங்குமேடு   அண்ணாமலை நகர்,
சிதம்பரம், தமிழ் நாடு, இந்தியா 
MAIL ADDRESS: ammanastrology@gmail.com
Contact Numbers:
91 + 8122733328

Continue reading >>

2014 - கன்னி ராசி - ஆங்கில புத்தாண்டு பலன்கள்? ஆன்மீக ஜோதிடர் அதிர்ஷ்ட பெயரியல் ஆராய்ச்சியாளர் ஆர் ராவணன் BSC

0 கருத்துகள்
                                              
அன்பான வாசக உள்ளங்களுக்கு ஜோதிடர் ஆர். ராவணனின் வேண்டுகோள் . எமது இணைய தளத்தில் நீங்கள் வாசிக்கும் பயன் தரும் ஜோதிட கட்டுரைகளை வாசித்த பின்பு எமது இணைய தளத்தில் இருக்கும் விளம்பர படங்களை க்ளிக் செய்து அதனையும் பார்க்குமாறு அன்புடன் கேட்டு கொள்கிறேன் 

 2014 - கன்னி ராசி - ஆங்கில புத்தாண்டு - பொது பலன்கள் :

2014-ஆம் ஆண்டு உங்களுடைய ராசியில் பிறக்கிறது. கன்னி லக்னம், மூல நட்சத்திரம், தனுசு ராசியில் ஆங்கில புதுவருடப் பிறப்பு. உங்கள் ராசியில் லக்னமும், 4-ஆவது ராசியில் வருட ராசியும் அமைவதால், இந்த வருடம் உங்களுக்கு பெருமை, புகழ், கௌரவம், கீர்த்தி, அந்தஸ்து எல்லாம் மிகச் சிறப்பாக இருக்கும். கடந்த வருடம் ஏழரைச் சனி காரணமாக உடல் ஆரோக்கியக் குறைவும் வைத்தியச் செலவும், சில பேருக்கு அறுவை சிகிச்சை போன்ற சங்கடங்களும் ஏற்பட்டிருக்கலாம். இந்த வருடத் தொடக்கத்தில் இருந்தே பூரண சுகமும் ஆரோக்கியமும் மனதில் உற்சாகமும் உருவாகும். ஆஸ்பத்திரி சிகிச்சை என்ற நடுக்கம் அறவே தீர்ந்துவிடும்.

4-ஆம் இடம் சுகத்தை மட்டுமல்ல; தாயார், கல்வி, பூமி, வீடு, வாகனம் போன்றவற்றையும் குறிக்கும் இடம். அந்த வீட்டுக்குடைய குரு உங்கள் ராசிக்கும் வருட லக்னத்துக்கும் 10-ல் நின்று 4-ஆம் இடத்தைப் பார்ப்பது சிறப்பு. எனவே கோழிக்கூண்டு மாதிரி குறுகிய வீட்டில் அவதிப்பட்டவர்களுக்கு, இவ்வருடம் கோவில் மாதிரி அற்புத வீடு, பங்களாவே அமையும். சிலர் சொந்த வீடு கட்டி கிரகப்பிரவேசம் செய்யலாம்.

4-க்குடையவர் 10-ல் நிற்பதால் ரியல் எஸ்டேட் தொழில் செய்கிறவர்களுக்கு இந்த ஆண்டு முதல் தொழில்விருத்தியும் முன்னேற்றமும் எதிர்பார்க்கலாம். அரசாங்க சட்ட திட்டத்தாலும், பத்திரப்பதிவு கட்டண உயர்வாலும் ரியல் எஸ்டேட் தொழில் கடந்த இரண்டு ஆண்டு காலமாக சரியில்லை. ஒருசிலர் நகைகளை அடகு வைத்து அல்லது வெளியில் கடன் வாங்கி ஒருசில இடங்களை கிரயம் முடித்து ப்ளாட் போட்டிருக்கலாம். அது வேகமாக விற்பனையாகாமல் முடங்கிக் கிடப்பதால் வட்டி நட்டம், கையிருப்பு நட்டம் என்று பாதிக்கப்பட்டிருக்கலாம். அந்த கஷ்டம் எல்லாம் இந்த ஆண்டுமுதல் தீர்வுக்கு வந்துவிடும். வீடு, மனை புரோக்கர்களுக்கும் தொழில் யோகம், தனயோகம் உண்டாகும்.

படிக்கும் மாணவர்களுக்கு கடந்த காலம் ஏழரைச் சனியின் பிடியால் மறதி, மந்தப்போக்கு, பாடப்பகுதியில் அரியர்ஸ் என்று தேக்கத்தைச் சந்தித்து ஊக்கத்தை இழந்தவர்களுக்கும் 2014 மாறுதலையும் ஆறுதலையும் தேறுதலையும் தரும். படிப்பை பூர்த்தி செய்வதோடு மேற்படிப்பையும் தொடரலாம்.

படித்துப் பட்டம் பெற்றும் அடுத்து நல்ல வேலை, நல்ல சம்பளம் இல்லாமல் மனஉளைச்சலில் தினமும் கலங்கியவர்களுக்கும் 2014-ல் நல்ல வேலை, நல்ல சம்பளம் அமையும். ஒருசிலர் வெளிநாட்டு வேலைக்கும் போய் சம்பாதிக்கலாம். பெற்றவர்கள் பட்ட கடனையும் அடைத்து உதவலாம்.

கடந்த வருடம் கரண்டு கட், நல்ல பணியாள் இல்லாத சூழ்நிலை, பணப்பற்றாக்குறை போன்ற காரணங்களினால் தொழில்துறையில் ஏமாற்றம், இழப்பு, கை நஷ்டம் என்று கலங்கியவர்களுக்கும் 2014 கைகொடுத்து தூக்கிவிடும். கவலையையும் கண்ணீரையும் துடைக்கும். சிலர் அரசு உதவியோடும் தனியார் நிதியுதவியோடும் புதிய தொழில் ஆரம்பித்து திருப்தியாகச் செயல்படலாம்.

7-க்குடையவர் 10-ல் இருப்பதால் வேலை தேடி முயற்சிக்கும் மனைவிகளுக்கு வேலைவாய்ப்பு கிடைக்கும். அல்லது மனைவி பெயரில் தொழில் செய்யலாம். பெண்கள் ஜாதகமாக இருந்தால், 7- கணவர் ஸ்தானம் என்பதால் கணவருக்குப் பதவி உயர்வு யோகம் அமையும். அல்லது அடிமை வேலையை உதறித் தள்ளிவிட்டு சொந்தத் தொழில் ஆரம்பிக்கலாம். முதலீடு பற்றாக்குறையைச் சமாளிக்க கூட்டுச்சேரலாம். ஏற்கெனவே பணியில் இருக்கும் மனைவிக்கு பதவி உயர்வு அல்லது ஊதிய உயர்வு கிடைக்கும். விரும்பிய இடப்பெயர்ச்சியும் ஏற்படும்.

2-ஆம் இடத்தில் சனியும் ராகுவும் சேர்க்கை என்பதோடு சனியும் சுக்கிரனும் பரிவர்த்தனையாக இருப்பதால், அவ்வப்போது குடும்பத்தில் சலசலப்புகளும் ஈகோ உணர்வால் வறட்டு கௌரவப் பிரச்சினைகளும் உண்டாகலாம். சிலசமயம் கலகலப்புகள் மறைந்து கவலைகள் நிலவும். அம்மாதிரி சந்தர்ப்பங்களில் குடும்பத்தில் உள்ளவர்களின் கருத்துகள் மாறுபட்ட மனோநிலையில் இருக்கும் சமயம், நீங்கள் மௌனத்தை கடைப்பிடித்தால் "மௌனம் கலக நாஸ்தி' என்று தீர்வாகிவிடும். குரு பார்வை இருப்பதால் ஓரளவு பிரச்சினைகள் கடுமையாக இருக்காது.

2-ஆம் இடத்துக்கு குரு பார்வை இருப்பதால் பொருளாதாரத்தில் சரளமான பணப்புழக்கமும், வாக்கு நாணயம் காப்பாற்றப்படுதலும், சொல்லுவதைச் செய்வதும் செய்வதைச் சொல்லுவதுமான பலன்களும் நடக்கும். குடும்பச் சூழ்நிலையிலும் சிலசமயம் பனிப்போர் நடந்தாலும் உடனே அது சமரசமாகி விடும்.

குரு வக்ரம்: 24-10-2013 முதல் 20-02-2014 வரை குரு வக்ரம். வக்ரத்தில் உக்ரபலன் என்ற விதிப்படி தொழில், வாழ்க்கை, குடும்பத்தில் முக்கியமான திருப்பங்களைச் சந்திக்கலாம். ஜாதக தசாபுக்திகள் சாதகமாக இருந்தால் இக்காலம் நற்காலம், பொற்காலம். இல்லாவிட்டால் கற்காலம். திருப்பத்தூர் அருகில் பட்டமங்கலத்தில் அட்டமாசித்தி தட்சிணாமூர்த்தி கோவில் இருக்கிறது. பொதுவாக எல்லா இடங்களிலும் தட்சிணாமூர்த்தி தென்திசை நோக்கித்தான் இருப்பார். இங்கு மட்டும் கிழக்குநோக்கி இருக்கிறார். அமாவாசையன்று பக்தர்கள் ஆணும் பெண்ணும் 108 சுற்று சுற்றி வழிபடுவார்கள். அங்குசென்று வழிபடலாம்.

(27-11-2014 முதல் 26-03-2015 வரையும் குரு வக்ரம் அடைவார். மேலே சொன்ன பரிகாரம் போதும்).

குரு அஸ்தமனம்: 06-07-2014 முதல் 05-08-2014 வரை குரு அஸ்தமனம். இக்காலம் நல்லதும் கெட்டதும் கலந்து நடக்கும்.

சனி வக்ரம்: 01-03-2014 முதல் 28-06-2014 வரை சனி வக்ரமாக இருப்பார். உச்ச சனி வக்ரப்படுவது உங்களுக்கு யோகம்தான். பிறக்கும்போது ஜாதகத்தில் வக்ரம் அடையும் கிரகங்கள் கோட்சாரத்தில் வக்ரப்பட்டால் அதிக நன்மைகள் உண்டாகும் என்பது அனுபவரீதியான உண்மையாகும்.

குருப்பெயர்ச்சி: இந்த வருடம் 13-06-2014-ல் குருப்பெயர்ச்சி. மிதுன ராசியிலிருக்கும் குரு கடகத்தில் உச்சமாவார். கன்னி ராசிக்கு 10-ல் இருந்து 11-ஆம் இடத்துக்கு மாறுவது மிகமிக லாபம். யோகம். வெற்றி! அதிலும் 11-ல் உச்சம் பெறும் குரு 7-க்குடையவர். 7-ஆம் இடத்தையே பார்ப்பதால் திருமணத் தடை விலகும். ஆண்களுக்கும் பெண்களுக்கும் திருமணம் கூடும். அதேபோல கன்னிக்கு 5-ஆம் இடம் புத்திர ஸ்தானத்தைப் பார்க்கப்போவதால் புத்திரதோஷம் விலகி வாரிசு யோகம் உண்டாகும். பெண் குழந்தை பெற்றவர்களுக்கு ஆண் குழந்தைகளும் ஆண் குழந்தை பெற்றவர்களுக்கு ஆசைக்கு ஒரு பெண் குழந்தையும் உண்டாகும்.

ராகு- கேது பெயர்ச்சி: 21-06-2014-ல் ராகு- கேது பெயர்ச்சி. துலா ராசியிலிருக்கும் ராகு கன்னி ராசிக்கு ஜென்ம ராகுவாக மாறுவார். மேஷ ராசியிலிருக்கும் கேது மீன ராசிக்கு மாறுவார். 8-ல் இருக்கும் கேது 7-ல் மாறுவது நல்லதுதான் என்றாலும், ஜென்ம ராகு சப்தம கேது- குடும்பத்தில் பிரச்சினைகளை உருவாக்கும். கணவன்- மனைவிக்குள் வாக்குவாதம், தர்க்கங்களை உருவாக்கும். அப்படியில்லாமல் அன்யோன்யம், பாசம், பற்று, நேசமாக இருந்தால் ஆரோக்கியக் குறைவு, சரீர வருத்தம், மனவருத்தம் ஆகிய பலனைச் செய்யும். அந்த மாதிரி கெடுபலன்கள் நடந்தால் ராகு- கேது பரிகாரமாக திருநெல்வேலி- வள்ளியூர் வழி- விஜயாபதி சென்று வழிபடலாம். விஸ்வாமித்திரர் தவமிருந்த இடம். அருகில் தில்லைக்காளி கோவில் உண்டு. ராதாபுரம் முதல் விஜயாபதி வரை செம்மண் தரை- பாம்புப் புள்ளிகளாக இருக்கும்.

2014 - கன்னி ராசி - மாத பலன்கள்.

ஜனவரி

இந்த மாதம் சிறப்பாக நற்பலன்கள் நடக்கும். குடும்பத்தில் சுபமங்கள காரியம் செயல்படும். அரசு வேலையில் இருப்பவர்களுக்கு செல்வாக்கு ஓங்கும். கடுமையாக உழைப்பீர்கள். உழைப்புக்கு சலிக்க மாட்டீர்கள். "கண் துஞ்சார்- பசியறியார் -கருமமே கண்ணாயினார்' என்ற சொல்லுக்கு நீங்களே உதாரண புருஷராக விளங்குவீர்கள்.

பிப்ரவரி

கணவன்- மனைவிக்குள் தாம்பத்திய ஒற்றுமையும், அனுசரிப்புத் தன்மையும் உண்டாகும். சொந்தத் தொழில் செய்வோருக்கு லாபம் அதிகம் கிடைக்கும். சம்பளத்துக்கு வேலை பார்ப்பவர்களுக்கு மேலிடத்தாரின் பாராட்டும் சலுகையும் கிடைக்கும். நோய் நிவர்த்தி, கடன் நிவர்த்தி, வைத்தியச் செலவு நிவர்த்தி ஆகிய நற்பலன் உண்டாகும். சிலருக்கு முக்கியமான பயணத்தால் லாபம் உண்டாகும்.

மார்ச்

உங்கள் வாழ்க்கையில் முக்கியமான திருப்பம் ஏற்படும். அது உங்களுடைய எதிர்கால இனிய வாழ்க்கைக்கு அஸ்திவாரமாக அமையும். பெருகிவரும் தொழிலிலும் குடும்ப வாழ்க்கையிலும் மனநிறைவும் திருப்தியும் ஏற்படுவது மாதிரி நல்ல சம்பவங்கள் உண்டாகும். நீண்ட காலமாக வராமலிருந்த பெருந்தொகை வந்துசேரும்.

ஏப்ரல்

பாதச்சனி கடந்த மாதத்திலிருந்து வக்ரம் அடைவது ஒருவகையில் நல்லது. இன்னொரு வகையில் கெடுதல். சில காரியங்களை ஆரம்பிக்கும் முன்பே சந்தேகமும் சஞ்சலமும் அடைவீர்கள். சில காரியங்களில் ஆரம்பித்த பிறகு முடிக்க முடியாமல் தடுமாறித் தவிப்பீர்கள். எதிலும் பட்டும் படாமலும் ஒட்டியும் ஒட்டாமலும் இருப்பது நல்லது.

மே

சனியின் வக்ரம் அடுத்த மாதம் வரை தொடர்கிறது. அதனால் பொருளாதாரத்திலும் முயற்சிகளிலும் தடை, தாமதம், தோல்விகளை சந்திக்கும் நிலை. நெருங்கிப் பழகியவர்களிடம் காரண காரியம் இல்லாமல் கருத்துமுறிவும் பிரிவும் ஏற்படும். அடுத்தவர்களிடம் எதிர்பார்த்தவை ஏமாற்றம் அடைவதாலும், அதை மனம் தாங்கிக் கொள்ளாது.

ஜூன்

இந்த மாதம் 13-ஆம் தேதி குருப்பெயர்ச்சி. 21-ஆம் தேதி ராகு- கேது பெயர்ச்சி. இரு பெயர்ச்சிகளும் உங்களுக்கு அனுகூலமாக அமையும். ஜென்ம ராசிக்கு ராகுவும், 7-ல் கேதுவும் மாறுவார்கள். குரு 11-ல் உச்சம் பெறுவார். திருமணத் தடை விலகும். புத்திர தோஷமும் விலகும். புதிய வருமானத் திட்டங்களும் நிறைவேறும்.

ஜூலை

ராகு- கேது, குருப்பெயர்ச்சிகளைத் தொடர்ந்து உங்களுக்கு யோக பலனையே தரும். சிலர் வேலை விஷயமாக வெளிநாடு போகலாம். சிலர் உல்லாசப் பயணமாக கடல் தாண்டிப் போய்வரலாம். நண்பர்களின் உதவியும் ஒத்தாசையும் நற்பலனாக அமையும்.

ஆகஸ்ட்

குரு அஸ்தமன நிவர்த்தியால் முயற்சிகளில் முன்னேற்றம், வழக்குகளில் வெற்றி, தொழில், லாபம், நண்பர்கள் ஆதரவு, புதிய தொழில்முயற்சிகளில் அனுகூலம் எதிர்பார்க்கலாம். சிலர் வாகனப் பரிவர்த்தனை செய்யலாம்.

செப்டம்பர்

இந்த மாதம் அனாவசியமான ஆடம்பரச் செலவுகளை சந்திக்கும் காலம். சிறிது அலைச்சல் ஏற்படும். பயணங்களினால் பலன் இருக்காது. உங்களால் முன்னேறிய ஒருவர் உங்களுக்கு உதவிபுரிய தேடி வருவார். அவருடன் கூட்டுச் சேர்ந்து வெளிநாட்டு வர்த்தகத் தொடர்பு வைத்துக் கொள்ளலாம்.

அக்டோபர்

பெரியவர்களைச் சந்தித்து வாழ்த்துப் பெறும் காலம். இரும்பு அல்லது அக்னி சம்பந்தப்பட்ட தொழில் தொடங்கலாம். அதற்கான நிதியுதவியும் கிடைக்கும். மேற்கு- வடக்கு திக்கிலிருந்து நல்ல தகவல்கள் வரும். பொருளாதாரத்தில் வளர்ச்சி இருக்கும்.

நவம்பர்

எடுத்த காரியங்களை தொடுத்துமுடிக்க நல்ல சந்தர்ப்பம் அமையும். சிலருக்கு புதிய தொழில் திட்டங்கள் ஏற்பட்டு தீவிர முயற்சி செய்யலாம். சில சமயம் செலவுகள் அதிகமானாலும் கவலைப்பட மாட்டீர்கள். வெற்றியடைய வேண்டும் என்ற இலட்சிய வெறியோடு செயல்படுவீர்கள்.

டிசம்பர்

இந்த மாதக் கடைசியில் சனிப்பெயர்ச்சி. இத்துடன் ஏழரைச் சனி முழுமையாக விலகிவிடும். குடும்பத்தில் அமைதியும் ஆனந்தமும் உண்டாகும். பொருளாதாரத்தில் சரளமான நிலை ஏற்படும். பழைய கடன்கள் எல்லாம் அடைபடும். நல்ல காரியத்துக்காக புதிய கடன்களும் வாங்கலாம். விட்டுப்போன சொந்தம் மீண்டும் வந்து ஒட்டி உறவாடும். பிரிந்த தம்பதியர் சேர்ந்திடுவார்கள்.

உத்திர நட்சத்திரக்காரர்களுக்கு

2014-ஆம் ஆண்டு மூல நட்சத்திரத்தில் பிறக்கிறது. உங்கள் நட்சத்திரம் முதல் மூலம் 8-ஆவது நட்சத்திரம், மைத்ர தாரை, நட்பு நட்சத்திரம். எனவே இந்த வருடம் நன்மையும் மேன்மையும் தரும் வருடமாக அமையும். கடந்த வருடத்தில் அனுபவித்த கவலைகளும் துன்பங்களும் தூர விலகிப் போகும். உத்திரம் விரயாதிபதியான சூரியன் நட்சத்திரம். சுபமங்களச் செலவுகள் உண்டாகும்.

பரிகாரம்: சென்னை செங்குன்றம் அருகில் ஞாயிறு கோவில் சென்று புஷ்ப ரதேஸ்வரரை வழிபடவும். கருப்பு உளுந்தில் வடைமாலை தயார்செய்து அணிவித்து பூஜை செய்தால் ராகு- கேது தோஷம் நிவர்த்தியாகும்.

அஸ்த நட்சத்திரக்காரர்களுக்கு

2014-ஆம் ஆண்டு மூல நட்சத்திரத்தில் பிறக்கிறது. அஸ்த நட்சத்திரம் முதல் மூலம் 7-ஆவது நட்சத்திரம்- வதை தாரை. எனவே இந்த வருடம் ஜாதக தசாபுக்திகள் யோகமாக இருந்தால் தப்பிக்கலாம். இல்லாவிட்டால் விவகாரம், வில்லங்கம், வேதனை, உடல்நலக்குறைவு, மனநலக்குறைவு, குடும்பத்தில் குழப்பம் போன்ற பல சங்கடங்களைச் சந்திக்கும் நிலை ஏற்படலாம். திங்கள்கிழமை தோறும் சிவலிங்கத்துக்குப் பாலாபிஷேகம் செய்து வழிபடவேண்டும். ஒருமுறை ருத்ரஜப பாராயணம் செய்து, ருத்ர ஹோமம் வளர்த்து சுவாமி (சிவன்), அம்பாளுக்கு ருத்ராபிஷேகம் செய்து வழிபட்டால் சஞ்சலங்கள் விலகி சந்தோஷம் உண்டாகும்.

பரிகாரம்: திரு அவனிவநல்லூர் சென்று சாட்சிநாதர் திருக்கோவிலில் வழிபடவும். கருவறையின் பின்புறம் ரிஷபாரூடர் காட்சி காணத்தக்கது. திருமால், முருகன், சூரியன், அகத்தியர், காசிபமுனிவர், கன்வ மகரிஷி வழிபட்ட தலம். கும்பகோணத்திலிருந்தும் தஞ்சாவூரில் இருந்தும் பேருந்துகள் உள்ளன. காலை சக்தி வழிபாடு சிறப்பு.

சித்திரை நட்சத்திரக்காரர்களுக்கு:

சித்திரை நட்சத்திரத்திலிருந்து 2014 பிறக்கும் மூல நட்சத்திரம் 6-ஆவது நட்சத்திரம்- சாதக தாரை. எனவே இந்த வருடம் உங்களுக்கு யோகமாகவும் அதிர்ஷ்டமாகவும் இருக்கும். பெரியோர்களின் ஆசி கிடைக்கும். தேகநலம் தெளிவாக இருக்கும். பூமி, வீடு, மனை சம்பந்தமான திட்டங்கள் வெற்றியடையும்.

பரிகாரம்: அருப்புக்கோட்டை அருகில் திருச்சுளி சென்று திருமேனிநாதர் (பூமிநாதசுவாமி), துணை மாலையம்மையை வழிபடவும். ரமண மகரிஷி பிறந்த ஊர். சதானந்த முனிவர் வழிபட்ட தலம்- பார்வதி தேவியார் தன்னை சிவபெருமான் மணம்புரிய வேண்டி வழிபட்ட தலம்.


உங்கள் குடும்பத்தில் பிரச்சனையா? கணவன் - மனைவி - இருவருக்கும் இடையே கருத்து  வேறுபாடா? திருமணம் தாமதம் ஆகும் நிலையா? திருமணம் ஆகி உங்களுக்கு குழந்தை பாக்கியம் இல்லையா? பிறந்த உங்கள் குழந்தைக்கு அதிர்ஷ்டகரமான முறையில் பெயர் அமையவில்லையா? சொத்து பிரச்சனையா? நிரந்தரமான வேலை வாய்ப்பு அமையவில்லையா? நீங்கள் செய்யும் தொழிலில் நஷ்டமா? உங்கள் கடைக்கோ - உங்கள் நிறுவனத்துக்கோ அதிர்ஷ்டகரமான முறையில் பெயர் அமையவில்லையா? கடன் பிரச்சனையால் அவதிபடுகிறீர்களா? பதவி உயர்வு கிடைக்கவில்லையா? வெளி நாடு சென்று சம்பாதிக்கும் முயற்சியில் தோல்வியா? உடலில் தீராத வியாதியா? வாழ்க்கையின் முன்னேற்றத்திற்க்காக நீங்கள் எடுக்கும் ஒவ்வொரு முயற்சியிலும் தோல்வியா? கவலையே வேண்டாம். இதற்க்கு காரணம் உங்களின் ஜாதகம் யோகமாக அமைந்திருந்தாலும் கூட உங்களின் பெயரின் அமைப்பு - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - போன்றவற்றிக்கு நன்மை தராத தீய கிரகங்களின் ஆதிக்கத்தில் அமைந்திருக்கலாம் . இத்தகைய அனைத்து பிரச்சனைகளில் இருந்து விடுபட உங்களின் ஜாதக அமைப்பை நன்கு அலசி ஆராய்ந்து - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - இவைகளுக்கு உடனடியாக நன்மை தர கூடிய வகையில் உங்களின் பெயரை அதிர்ஷ்ட பெயரியல் சாஸ்த்திர முறைப்படி சிறு திருத்தம் செய்து வாழ்க்கையில் நீங்கள் எடுக்கும் ஒவ்வொரு முயற்சியிலும் வெற்றி அடைய ஜோதிடத்தின் மூலம் வளமான வாழ்க்கைக்கு வழிகாட்டுகிறோம் .  

வெளி நாட்டில் இருந்து எம்முடன் ஜோதிடம் பார்க்க விருப்பம் உள்ளவர்களுக்கு மெயில் மூலமாகவும் தொலை பேசி மூலமாகவும் ஜோதிட ஆலோசனை வழங்குகிறோம் .

தொடர்பு கொள்ள வேண்டிய முகவரி :
ஜோதிடர் :R.ராவணன் .B.Sc
ஜோதிடம், கைரேகை, எண்கணித ஜோதிடம், 
அதிர்ஷ்ட பெயரியல் ஆராய்ச்சியாளர்
ராஜா முத்தையா மருத்துவமனை அருகில்,
கலுங்குமேடு   அண்ணாமலை நகர்,
சிதம்பரம், தமிழ் நாடு, இந்தியா 
MAIL ADDRESS: ammanastrology@gmail.com
Contact Numbers:
91 + 8122733328








Continue reading >>

2014 - சிம்ம ராசி - ஆங்கில புத்தாண்டு பலன்கள்? ஆன்மீக ஜோதிடர் அதிர்ஷ்ட பெயரியல் ஆராய்ச்சியாளர் ஆர் ராவணன் BSC

0 கருத்துகள்

                                             
அன்பான வாசக உள்ளங்களுக்கு ஜோதிடர் ஆர். ராவணனின் வேண்டுகோள் . எமது இணைய தளத்தில் நீங்கள் வாசிக்கும் பயன் தரும் ஜோதிட கட்டுரைகளை வாசித்த பின்பு எமது இணைய தளத்தில் இருக்கும் விளம்பர படங்களை க்ளிக் செய்து அதனையும் பார்க்குமாறு அன்புடன் கேட்டு கொள்கிறேன் .

 2014 - சிம்ம ராசி பொது பலன்கள்

2014-ஆம் ஆண்டு சிம்ம ராசிக்கு 5-ஆவது ராசியான தனுசு ராசியிலும், 2-ஆவது லக்னமான கன்னி லக்னத்திலும் மூல நட்சத்திரத்தில் பிறக்கிறது. அதனால் இந்த வருடம் உங்களுக்கு இனிய வருடமாகத் திகழும். வருடம் பிறப்பது மூல நட்சத்திரத்தில்- அதற்கு ஜென்மம், அனுஜென்மம், திரிஜென்ம நட்சத்திரம் என்பது மூலம், அஸ்வினி, மகம் ஆகும். ஆகவே வருட நட்சத்திரத் தில் இருந்து திரிஜென்ம நட்சத்திரமான மகம் உங்கள் ராசியில் அடங்குவதால், வருடப் பிறப்பு உங்களுக்கு யோகமாகவே அமையும். உங்களுடைய ஆற்றல் பிரகாசிக்கும். தோற்றம் மிளிரும். திறமை வெளிப்படும். பெருமை சேரும். செய்யும் காரியங்களிலும் முயற்சிகளிலும் சீரும் சிறப்பும் உண்டாகும். செல்வாக்கு ஏற்படும். பட்ட பாட்டுக்கு பலனும் பாராட்டும்  கிடைக்கும்.

சிம்ம ராசிக்கு 2-ஆவது தன ஸ்தான லக்னத்தில் ஆங்கிலப் புதுவருடம் பிறப்பதால், இந்த ஆண்டு முழுவதும் உங்களுக்குப் பொருளாதாரத்தில் எந்தக் குறையும் இருக்காது. வாக்கு வன்மையும், வாக்கு நாணயமும் சிறப்பாக இருக்கும். சொல்வாக்கு, செல்வாக்கு அடையும்.

2-ஆம் இடம் வாக்கு, தனம், குடும்பம், நேத்திரம் ஆகியவற்றைக் குறிக்கும் இடம். வாக்கு மேலோங்குவதுபோல, குடும்பத்திலும் அமைதி, ஆனந்தம், மகிழ்ச்சி, மனநிறைவு ஆகிய பலன்கள் உண்டாகும். சிம்ம ராசிக்கு 5, 8-க்குடைய குரு 11-ல் நிற்கிறார். 5-ஆம் இடத்தையே பார்க்கிறார். 2-ஆம் இடத்துக்கு 10-ல் குரு இருக்கிறார். ஜூன் மாதம் குரு மாறும்போது ராசிக்கு 12-ல் உச்சம் பெறுவார். 2-ஆம் இடத்துக்கும் வருட லக்னத்துக்கும் 11-ல் உச்சம் பெறுவார். எனவே தொடர்ந்து பொருளாதாரத்திலும் வரவுசெலவிலும் தன்னிறைவு எதிர்பார்க்கலாம். பற்றாக்குறைக்கு இடமிருக்காது. தாராளமான வரவுசெலவும் இருக்கும்.

சிம்ம ராசிக்கு ஏழரைச் சனி விலகிவிட்டது. கடந்த ஏழரைச் சனியில் கருத்து வேறுபாட்டாலும், ஒருவரையொருவர் புரிந்துகொள்ளாமலும், "ஈகோ' உணர்வாலும், கணவன்- மனைவிக்குள் விவகாரம், இடைக்காலப் பிரிவு, ஒரு வீட்டுக்குள் இருந்தாலும் பேச்சுவார்த்தை இல்லாமல் மௌனப் புரட்சி என்று சங்கடப்பட்டவர்கள், இப்போது ஒருவரை ஒருவர் புரிந்துகொண்டு சேர்ந்து வாழலாம். ஈகோ உணர்வு மாறி ஈகை உணர்வோடு சேர்ந்து வாழலாம்.

5-க்குடைய குரு 5-ஆம் இடத்தையே பார்ப்பதால் வாரிசு யோகம் உண்டாகும். ஏற்கெனவே பெண் வாரிசு இருப்பவர்களுக்கு இனி ஆண் வாரிசு யோகம் உண்டாகும். வாரிசு உள்ளவர்களுக்கு (பெண் அல்லது ஆண் குழந்தைகள் இருப்பவர்களுக்கு) அவர்களின் ஆயுள், ஆரோக்கியம், படிப்பு, வேலை, சம்பாத்தியம் போன்ற எதிர்கால முன்னேற்றத்துக்கான ஆக்கப்பூர்வமான வழிமுறைகள் தென்படும். அடுத்து ஜூன் மாதம் குருப்பெயர்ச்சி. மிதுன குரு கடகத்தில் உச்சம் அடையும் காலம் 5-ஆம் இடம் தனுசுக்கு 8-ல் மறைவதால் யோகம் பாதிக்குமோ என்று சந்தேகப்பட வேண்டாம். ஏனென்றால் புத்திரகாரகனும் புத்திரஸ்தானாதிபதியுமான குரு உச்சம்பெறுவதால் அனுகூலமான பலன்தான் நடக்கும். 5-க்கு 8-ல் சிம்ம ராசிக்கு 12-ல் குரு உச்சம் அடைவதால் பிள்ளைகள் வகையில் சுப விரயச் செலவுகள் உண்டாகும் என்பது பலன்.

பருவ வயதடைந்த பிள்ளைகளுக்கு திருமணம், புத்திர பாக்கியம் சம்பந்தப்பட்ட பலன்களும், படிக்கும் பிள்ளைகளுக்கு படிப்பு சம்பந்தமான சுபச் செலவுகளும், படித்து முடித்தவர்களுக்கு வேலைவாய்ப்புச் செலவுகளும் ஏற்படலாம். சிலர் படிப்புக்காக அல்லது வேலைக்காக வெளிநாடு செல்லும் வாய்ப்பு உண்டாகும். அதுவும்  சுபச் செலவுதான்.

3-ஆம் இடத்தை குரு பார்ப்பதால் சகோதர- சகோதரி வகையில் அனுகூலமும் ஆதரவும் எதிர்பார்க்கலாம். அதேபோல நண்பர்கள் வகையிலும் உதவியும் ஒத்தாசையும் எதிர்பார்க்கலாம். 3 என்பது நட்பு ஸ்தானம். அங்கு சனி இருப்பதால் நாடார் அல்லது கிறிஸ்துவ நண்பர்கள் தொடர்பும், ராகு இருப்பதால் முஸ்லிம் நண்பர்கள் தொடர்பும் உண்டாகும். அவர்களால் நன்மையும் உண்டாகும்.

சிம்ம ராசிக்கு 7-க்குடைய சனி  3-ல் உச்சம் அடைவதோடு அந்த வீட்டுக்குடைய சுக்கிரனும் சனியும் பரிவர்த்தனையாக இருப்பதால், மனைவி வகையில் சிலருக்கு கடன் உதவியும் அல்லது தொழில் வாய்ப்பும் உருவாகலாம்.

4, 9-க்குடைய செவ்வாய், சிம்மராசிக்கு 2-ல் இருப்பதால் தாய்- தந்தையரால் சிலருக்கு நன்மைகள், உதவிகள் உண்டாகும். தாய்வழிச் சொத்து அல்லது தந்தை வழிச் சொத்துகள் கிடைக்கவும் அமைப்பு உண்டாகும்.

9 என்பது பூர்வ புண்ணிய பாக்கியஸ்தானம். அங்கு கேது நிற்க, அதற்கு சனி -ராகு பார்வையும் செவ்வாயின் பார்வையும் கிடைப்பதால் சிலருக்கு ஆன்மிகம், ஜோதிடம், வைத்தியம், மாந்திரீகம் போன்ற துறையில் ஆர்வம் ஏற்படலாம். இப்போதுதான் எல்லா ஜோதிடப் பத்திரிகைகளிலும் ஆன்மிகப் பத்திரிகைகளிலும் ஜோதிடம், மாந்திரிகம், தாந்ரீக பயிற்சி வகுப்புகள் பற்றிய விளம்பரங்கள் ஏராளமாக வெளிவருகிறதே. அதைப் பார்த்ததும், படித்ததும் சிலருக்கு ஆர்வம் அதிகமாகும். நாமும் அதைப் பயின்று சம்பாதிக்க வேண்டும்; பேரும் புகழும் அடையவேண்டும் என்று ஆவலாதி ஏற்படலாம். ஆனால் அதெல்லாம் சரிவருமா என்பது தெரியாது. "எழுதினவன் ஏட்டைக் கெடுத்தான், படித்தவன் பாட்டைக் கெடுத்தான்' என்ற கதைதான்.

சிம்ம ராசிக்கு 10-க்குடைய சுக்கிரன் 10-ஆம் இடத்துக்கு பாக்கியஸ்தானத்திலும் ராசிக்கு 6-ஆம் இடத்திலும் இருப்பதால் தொழில் சம்பந்தமாக சிலர் கடன்வாங்க நேரும். கடன்வாங்கி தொழில் விருத்தி செய்யலாம் அல்லது புதிய தொழில் தொடங்கலாம். சிலர் போட்டி, பொறாமைகளையும் சந்தித்து சமாளிக்கவேண்டும். 6-ஆம் இடம் கடன், எதிரி, போட்டியைக் குறிக்கும் இடமல்லவா!

இந்த வருடத்தில் குரு பெயர்ச்சியும் ராகு- கேது பெயர்ச்சியும் வருகிறது. குருப்பெயர்ச்சி 13-6-2014-ல். மிதுனத்திலிருந்து கடகத்துக்கு குரு மாறுவார். கடகம் சிம்ம ராசிக்கு 12-ஆம் இடம். அங்கு குரு  வருவது ஒரு வகையில் கெடுதல். 1 2-ல் குரு வரும்போது "இராவணன் முடியற்று வீழ்ந்தான்' என்பது ஜோதிடப் பாடல்.

அதனால் சிம்ம ராசிக்காரர்களின் பதவி, வேலை, உத்தியோகத்தில் சிக்கலும் பிரச்சினையும் உண்டாகலாம். சிம்ம ராசிக்கு 5, 8-க்குடைய குரு 5-ஆம் இடத்துக்கு 8-ல் மறைவு. ராசிக்கும் 12-ல் மறைவு. 8-ஆம் இடத்துக்கு திரிகோணம் என்பதோடு 8-ஆம் இடம் மீனத்தையும் 9-ஆம் பார்வை பார்க்கிறார். அதனால் கௌரவப் போராட்டம் ஏற்படலாம். ஜாதக தசாபுக்திகள் பாதகமாக இருந்தால் வழக்கு விவகாரங்களில் தோல்வி, ஏமாற்றம், இழப்பு, நஷ்டம் ஏற்படலாம். கவலையும் கலக்கமும் உண்டாகலாம். நினைத்தது ஒன்று, நடந்தது ஒன்று என்று எதிர்மறைப் பலனை சந்திக்கலாம்.

கடக குரு உச்சமாக இருந்து சிம்ம ராசிக்கு 4-ஆம் இடத்தையும், 6-ஆம் இடத்தையும், 8-ஆம் இடத்தையும் பார்க்கக்கூடும். 4-ஐ பார்ப்பதால் தேக ஆரோக்கியத்தில் தெளிவும் முன்னேற்றமும் எதிர்பார்க்கலாம். படிப்பில் தடை இருக்காது. மேற்படிப்பு முயற்சிகளும் கைகூடும்.

6-ஆம் இடம், 8-ஆம் இடத்தைப் பார்ப்பதால் கவலை, கடன், போட்டி, பொறாமை, எதிர்ப்பு, இடையூறுகளும் அதனால் பிரச்சினைகளும் ஏற்பட்டு விலகும்.

ராகு- கேது பெயர்ச்சி:  21-6-2014 -ல் ராகு- கேது பெயர்ச்சி துலா ராசியில் நிற்கும் ராகு கன்னி ராசிக்கும், மேஷ ராசியில் நிற்கும் கேது மீன ராசிக்கும் மாறுவார்கள். சிம்ம ராசிக்கு 2-ல் ராகுவும் 8-ல் கேதுவும் மாறுவதால் பேச்சில் -வாக்கில் நிதானம் தேவை. "ஒரு வார்த்தை கொல்லும்- ஒரு வார்த்தை வெல்லும்' என்பார்கள். கன்னி ராகு கடக குருவைப் பார்க்கும். கடக குரு மீன கேதுவைப் பார்க்கும். குரு சம்பந்தம் பெறுவதால் கடுமையும் வேகமும் குறையும்.

சின்னமனூர் வழி- குச்சனூர் (வட குருஸ்தலம்) சென்று வழிபடலாம். உத்தமபாளையம் பஸ் ஸ்டாண்டு அருகில் தென் காளஹஸ்தி எனப்படும் சிவன் கோவில் உண்டு. இங்கு ராகுவுக்கும் கேதுவுக்கும் தனித்தனி சந்நிதி உண்டு. ஞாயிற்றுக்கிழமை தோறும் மாலை ராகு கால வேளையில் ராகுவுக்கும் கேதுவுக்கும் சிறப்பு அபிஷேகம் பூஜை நடக்கும். அங்கு சென்றும் வழிபடலாம்.

குரு வக்ரம்: 24-10-2013 முதல் 20-2-2014 வரை குரு வக்ரம். 2014 ஆண்டு தொடக்கத்திலேயே குரு வக்ரமாகத்தான் இருப்பார். லாப ஸ்தானத்தில் குரு வக்ரப்படுவதால் லாபம் உண்டு; வெற்றி உண்டு; நன்மையுண்டு; அனுகூலம் உண்டு.

குரு அஸ்தமனம்: 6-7-2014 முதல் 5-8-2014 வரை குரு அஸ்தமனம் அடைவார். அக்காலம் குரு கடகத்தில் இருப்பதால் மைனஸ் ல மைனஸ் = பிளஸ் என்பதுபோல, கெடுபலன் மாறி நற்பலன் பெருகும்.

சனி வக்ரம்: 1-3-2014 முதல் 28-6-2014 வரை துலாச் சனி வக்ரத்தில் இருப்பார். ஜெனன காலத்தில் சனி வக்ரமாக இருக்கும் ஜாதகர்களுக்கு இக்காலம் மேன்மையும் யோகமுமாக இருக்கும். சனியின் வக்ரகாலத்தில் சனிக்கிழமை தோறும் அவரவர் வயதுக்குரிய எண்ணிக்கையோடு ஒன்றுசேர்த்து அத்தனை மிளகை சிவப்புத் துணியில் கட்டி காலபைரவர் சந்நிதியில் நெய்யில் நனைத்து தீபம் ஏற்றவும். மதுரை அருகில் திருவாதவூரில் சிவன்கோவிலில் கால பைரவர் சந்நிதியும், அருகில் சனீஸ்வரர் சந்நிதியும் உண்டு. சனி பகவானின் குருநாதர் பைரவர். அந்த ஊரில்தான் சனீஸ்வரருக்கு வாதநோய் வந்து விலகியதாக ஐதீகம். மாணிக்கவாசகப் பெருமான் பிறந்த ஊர். அங்குசென்று வழிபடலாம்.

2014 - சிம்ம ராசி - மாத பலன்கள்

ஜனவரி


மாத முற்பகுதியில் மனதில் குடிகொண்டு பயமுறுத்திய எண்ணங்கள் யாவும் பிற்பகுதியில் பறந்தோடிவிடும். கடன்கள் மறையும். கஷ்டங்கள் கரையும். துன்பங்கள் தொலையும். இன்பங்கள் பெருகும். சிலருக்கு குடியிருப்பு மாற்றம் அமையும்.

பிப்ரவரி


படிக்கும் மாணவர்களுக்கு ஆர்வம், அக்கறை உண்டாகும். விடாமுயற்சி வெற்றிப் பாதையில் அழைத்துச் செல்லும். கடலூர் அருகில் திருவந்திபுரம் சென்று ஹயக்ரீவரை வழிபடவும். ஹயக்ரீவர் மந்திரம் ஜெபம் செய்யலாம். "ஓம் ஞானானந்தமயம் தேவம் நிர்மல ஸ்படிகாக்ருதிம் ஆதாரம் ஸர்வ வித்யானாம் ஹயக்ரீவம் உபாஸ்மஹே'- இதுதான் ஹயக்ரீவர் மந்திரம்.

மார்ச்


வியாபாரிகளுக்கு டென்ஷன் ஏற்படுத்தும் மாதம். மாணவர்களுக்கு படிப்பு -பரீட்சை என்று உழைப்பு அதிகமாக இருக்கும். குடும்பஸ்தர்களுக்கு விலைவாசி ஏற்றத்தால் விரக்தி ஏற்படும் காலம். மங்கள காரியங்களும் சுப விரயங்களும் உண்டாகும். தேக சுகத்தில் தெளிவு ஏற்படும். இனிய மாதம்தான்.

ஏப்ரல்


தமிழ் புதுவருடம் ஜய வருடம் பிறக்கும் மாதம். குடும்பத்தில் எதிர்பாராத மங்கள நிகழ்ச்சிகளும் சுப விரயங்களும் உண்டாகும். தன்னம்பிக்கையும் தைரியமும் உருவாகும். பணத்தேவையை விட இப்போது உங்களுக்கு நம்பிக்கையும் தைரியமும்தான் அவசியம்.

மே


வழக்கம்போலவே எல்லாக் காரியங்களும் செயல்படும். எண்ணங்கள் ஈடேறும். முயற்சிகள் வெற்றியடையும். தொலைதூரத்திலிருந்து நல்ல சேதிகள் தேடிவரும். பொருளாதாரம் தாராளமாக இருக்கும்.

ஜூன்


இந்த மாதம் 13-ம் தேதி குருப்பெயர்ச்சி. 12-ல் உச்சம் பெறுவதால் செலவுகள் கூடும். பிள்ளைகள் வகையில் சுபச் செலவு, நீண்டகாலத் திட்டங்கள் நிறைவேறும். நியாயமான ஆசைகளும் நிறைவேறும். மனதில் மகிழ்ச்சியும் மன நிறைவும் உண்டாகும். 21-6-2014-ல் ராகு- கேது பெயர்ச்சி. துலா ராகு கன்னிக்கும், மேஷ கேது மீனத்துக்கும் மாறுவார்கள். வேலை அல்லது இடப்பெயர்ச்சிக்கான வாய்ப்பு உண்டாகும். சுபச் செலவுக்கு கடன்படும் சூழ்நிலை ஏற்படலாம்.

ஜூலை


வெற்றி வாய்ப்பு உண்டு என்றாலும், எந்த ஒரு காரியத்தையும் சிரமத்துடன் நிறைவேற்ற வேண்டும். கொடுக்கல் -வாங்கல், வரவு- செலவுகளில் நெருக்கடி நிலை ஏற்படலாம். குடும்பத்தில் ஏற்படும் பிரச்சினைகளை பொறுமையாக, நிதானமாக சமாளிக்க வேண்டும். தெய்வ வழிபாடு உங்களைக் காப்பாற்றும். குரு அஸ்தமனம். குருவையும் வழிபடவேண்டும்.

ஆகஸ்டு


கவலைகளும் கடமைகளும் பொறுப்புகளும் கடன்களும் அதிக சுமையாக இருந்தாலும், பரிகார பூஜைகள் உங்களை வழிநடத்தும். கர்ப்பஸ்திரீக்கு பிள்ளையைச் சுமப்பதில் பேரானந்தம் ஏற்படுவதுபோல, சிலநேரம் சுகமான சுமைகளாக அமையும். வட்டிவாசிகளைக் குறைத்து கடன்களை அடைக்க புதிய திட்டங்களும் வழிகளும் தோன்றும்.

செப்டம்பர்


மாபெரும் மாறுதல்களுக்கு இடமில்லை என்றாலும், நாளுக்கு நாள் -படிப்படியாக சிரமங்கள் குறையும். வளர்ச்சியும் முன்னேற்றமும் காணப்படுவதால் எதிர்கால இனிமையை நோக்கிப் பயணிக்கலாம். நம்பிக்கையும் தைரியமும் உண்டாகும். செயல்களில் ஆர்வமும் அக்கறையும்  உருவாகும்.
அக்டோபர்


வரவும் உண்டு; செலவும் உண்டு. ஆடை, ஆபரணச்  சேர்க்கைகள் உண்டு. பற்றாக்குறையைச் சமாளிக்க கடன் வாங்கும் கட்டாயமும் ஏற்படும். கொடுக்கல் -வாங்கல், வரவு- செலவு குறிப்பிட்ட மாதிரி நடந்தேறும்; குறைவிராது. அக்கம்பக்கம் திருஷ்டி அதிகமாக இருப்பதால் சூலினிதுர்க்கா ஹோமமும், திருஷ்டிதுர்க்கா ஹோமமும் செய்வது நல்லது.

நவம்பர்


சுக்ரன் அஸ்தமனம் என்பதால் தொழில்,  வேலையில் பிரச்சினை, டென்ஷன் ஏற்படலாம். வேலையாட்கள், சிப்பந்திகள் ஒத்துழைப்பில் சங்கடம், சஞ்சலம் ஏற்படும். அதனால் குடும்பத்திலும் நிம்மதிக் குறைவு ஏற்படலாம். குடவாசல் அருகில் சேங்காலிபுரம் சென்று தத்தாத்ரேயரையும் கார்த்தவீர்யார்ஜூன யந்திரத்தையும் பூஜை செய்யவும்.

டிசம்பர்


பெண்கள் வகையில் கவனமாகவும், முன்னெச்சரிக்கையாகவும் நடந்துகொள்ள வேண்டும். வீண் அபவாதங்கள் அல்லது அவப்பேர் எடுக்க வாய்ப்புண்டு. டிசம்பர் கடைசியில் சனிப்பெயர்ச்சி. உச்ச சனி 4-ல் மாறி ராசியைப் பார்க்கும் காலம். முன்னதாகவே பலன் செய்யும் காலம். சனிப்பெயர்ச்சிக்கு பரிகார பூஜை செய்வது நல்லது.

மக நட்சத்திரக்காரர்களுக்கு


2014-ஆம் ஆண்டு மூல நட்சத்திரத்தில் பிறக்கிறது. உங்கள் நட்சத்திரத்துக்கு மூல நட்சத்திரம் 10-ஆவது நட்சத்திரம், அனுஜென்ம நட்சத்திரம். பிறந்த நட்சத்திரம் -ஜென்ம நட்சத்திரம்- அதற்கு 10-ஆவது நட்சத்திரம். அனுஜென்ம நட்சத்திரம். அதற்கு 10-ஆவது (ஜென்ம நட்சத்திரத்துக்கு 19-ஆவது) திரிஜென்ம நட்சத்திரம் எனப்படும். இது உத்தமம். 2014-ல் உங்கள் செல்வாக்கு மேலோங்கும். பெருமையும் புகழும் ஓங்கும். முயற்சிகள் யாவும் வெற்றிபெறும்.

பரிகாரம் : சிவகங்கை அருகில் (ஒக்கூருக்கும் நாட்டரசன்கோட்டைக்கும் நடுவில்) காளையார்மங்கலம் என்னும் ஊர். இங்கு மீனாட்சி சுந்தரேசுவர் கோவில் தெப்பக்குளம் அருகில்  வன்னிமரத்துப் பிள்ளையார் அருள்  பாலிக்கிறார். அவருக்கு பொரி அபிஷேகம் செய்து வழிபட்டால் எல்லா காரியங்களும் வெற்றியடையும். விவரங்களுக்கு எஸ்.பி. கண்ணப்ப செட்டியார், செல் : 97102 10070.

பூர நட்சத்திரக்காரர்களுக்கு


2014-ஆம் ஆண்டு மூல நட்சத்திரத்தில் பிறப்பதால், உங்கள் நட்சத்திரத்துக்கு அது 9-ஆவது நட்சத்திரம் பரம மைத்ரம். எனவே இவ்வருடம் தேக ஆரோக்கியம், மனத்தெளிவு, உற்சாகம், குடும்பத்தில் மகிழ்ச்சி, குடும்பத்தாருடனும் மற்றும் உறவினர்கள், நண்பர்களுடன் நல்ல உறவு, நண்பர்கள் உதவி  போன்ற அனுகூலமான பலன் உண்டாகும்.

பரிகாரம் : ஸ்ரீவில்லிபுத்தூர் சூடிக்கொடுத்த சுடர்க்கொடி ஆண்டாள் கோவில் சென்று வழிபடவும். ரங்கமன்னாருக்கு வலப்புறம் ஆண்டாளும் இடப்புறம்  கருடாழ்வாரும் நிற்பது விசேஷம்.


உத்திர நட்சத்திரக்காரர்களுக்கு


உங்கள் நட்சத்திரத்துக்கு 2014-ஆம் வருடம் பிறக்கும் மூல நட்சத்திரம் 8-ஆவது நட்சத்திரம். மைத்ர தாரை -நட்பு தாரை. எனவே 2014 உங்களுக்கு நன்மையும் மேன்மையும் தரும் வருடமாக அமையும். கடந்த வருடத்தில் அனுபவித்த கவலைகளும் துன்பங்களும் தூர விலகிப்போகும். உத்திரம் சிம்ம ராசிநாதன் சூரியனின் நட்சத்திரம். புகழும் பொருளும் போற்றுதலும் உண்டாகும்.
பரிகாரம் : சென்னை- செங்குன்றம் அருகில் ஞாயிறுகோவில் சென்று புஷ்பரதேஸ்வரரை வழிபடவும். கருப்பு உளுந்தில் வடை மாலை தயார் செய்து அணிவித்து பூஜை செய்தால் ராகு- கேது தோஷம் நிவர்த்தியாகும்.
 

உங்கள் குடும்பத்தில் பிரச்சனையா? கணவன் - மனைவி - இருவருக்கும் இடையே கருத்து  வேறுபாடா? திருமணம் தாமதம் ஆகும் நிலையா? திருமணம் ஆகி உங்களுக்கு குழந்தை பாக்கியம் இல்லையா? பிறந்த உங்கள் குழந்தைக்கு அதிர்ஷ்டகரமான முறையில் பெயர் அமையவில்லையா? சொத்து பிரச்சனையா? நிரந்தரமான வேலை வாய்ப்பு அமையவில்லையா? நீங்கள் செய்யும் தொழிலில் நஷ்டமா? உங்கள் கடைக்கோ - உங்கள் நிறுவனத்துக்கோ அதிர்ஷ்டகரமான முறையில் பெயர் அமையவில்லையா? கடன் பிரச்சனையால் அவதிபடுகிறீர்களா? பதவி உயர்வு கிடைக்கவில்லையா? வெளி நாடு சென்று சம்பாதிக்கும் முயற்சியில் தோல்வியா? உடலில் தீராத வியாதியா? வாழ்க்கையின் முன்னேற்றத்திற்க்காக நீங்கள் எடுக்கும் ஒவ்வொரு முயற்சியிலும் தோல்வியா? கவலையே வேண்டாம். இதற்க்கு காரணம் உங்களின் ஜாதகம் யோகமாக அமைந்திருந்தாலும் கூட உங்களின் பெயரின் அமைப்பு - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - போன்றவற்றிக்கு நன்மை தராத தீய கிரகங்களின் ஆதிக்கத்தில் அமைந்திருக்கலாம் . இத்தகைய அனைத்து பிரச்சனைகளில் இருந்து விடுபட உங்களின் ஜாதக அமைப்பை நன்கு அலசி ஆராய்ந்து - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - இவைகளுக்கு உடனடியாக நன்மை தர கூடிய வகையில் உங்களின் பெயரை அதிர்ஷ்ட பெயரியல் சாஸ்த்திர முறைப்படி சிறு திருத்தம் செய்து வாழ்க்கையில் நீங்கள் எடுக்கும் ஒவ்வொரு முயற்சியிலும் வெற்றி அடைய ஜோதிடத்தின் மூலம் வளமான வாழ்க்கைக்கு வழிகாட்டுகிறோம் .  

வெளி நாட்டில் இருந்து எம்முடன் ஜோதிடம் பார்க்க விருப்பம் உள்ளவர்களுக்கு மெயில் மூலமாகவும் தொலை பேசி மூலமாகவும் ஜோதிட ஆலோசனை வழங்குகிறோம் .

தொடர்பு கொள்ள வேண்டிய முகவரி :
ஜோதிடர் :R.ராவணன் .B.Sc
ஜோதிடம், கைரேகை, எண்கணித ஜோதிடம், 
அதிர்ஷ்ட பெயரியல் ஆராய்ச்சியாளர்
ராஜா முத்தையா மருத்துவமனை அருகில்,
கலுங்குமேடு   அண்ணாமலை நகர்,
சிதம்பரம், தமிழ் நாடு, இந்தியா 
MAIL ADDRESS: ammanastrology@gmail.com
Contact Numbers:
91 + 8122733328

Continue reading >>

திங்கள், 30 டிசம்பர், 2013

2014 - கடக ராசி - ஆங்கில புத்தாண்டு பலன்கள் ? ஆன்மீக ஜோதிடர் அதிர்ஷ்ட பெயரியல் ஆராய்ச்சியாளர் ஆர் ராவணன் BSC

0 கருத்துகள்
                                          
அன்பான வாசக உள்ளங்களுக்கு ஜோதிடர் ஆர். ராவணனின் வேண்டுகோள் . எமது இணைய தளத்தில் நீங்கள் வாசிக்கும் பயன் தரும் ஜோதிட கட்டுரைகளை வாசித்த பின்பு எமது இணைய தளத்தில் இருக்கும் விளம்பர படங்களை க்ளிக் செய்து அதனையும் பார்க்குமாறு அன்புடன் கேட்டு கொள்கிறேன்

2014 - கடக ராசி - பொதுப்பலன்கள் 

2014-ஆம் ஆண்டு கடக ராசிக்கு 6-ஆவது ராசியான தனுசு ராசியிலும், 3-ஆவது லக்னமான கன்னியா லக்னத்திலும், மூல நட்சத்திரத்திலும் பிறக்கிறது. 6-ஆவது ராசி என்பதால் மத்திம பலன் என்று பயப்படவேண்டாம். வருட ராசிநாதன் குரு- கடகத்தில்தான் தனுசுவுக்கு 8-ஆவது ராசியில்தான் உச்ச பலம் அடைவார். அது மட்டுமல்ல; கடக ராசிநாதன் சந்திரன் தனுசு ராசியில் நிற்கும்போதுதான் ஆங்கிலப் புதுவருடம் பிறக்கிறது. மேலும் வருடம் பிறக்கும் காலம் தனுசு ராசிநாதன் குருவும், உங்கள் ராசிநாதன் சந்திரனும் சமசப்தமமாக நின்று பார்த்துக்கொள்கிறார்கள். அதுமட்டுமல்ல; ஆங்கிலப் புதுவருடம் கன்னியா லக்னத்தில் பிறக்க, அந்த லக்னாதிபதி புதனும் தனுசுவில் நின்று குருவால் பார்க்கப்படுவதோடு- புதனும் குருவும் பர்வர்த்தனையாகவும் இருக்கிறார்கள். இது ஒரு அற்புதமான கிரக அமைப்பு.

6-ஆம் இடம் என்பது 10-ஆம் இடமான தொழில் ஸ்தானத்துக்கு பாக்கியஸ்தானம் ஆகும். எனவே இந்தப் புதுவருடத்தில் உங்களுக்கு தொழில் முன்னேற்றமும் வளர்ச்சியும் உண்டாகும். படித்துமுடித்து வேலை தேடி அலைவோருக்கும் இந்த ஆண்டு நல்ல வேலை, நல்ல சம்பாத்தியம் உண்டாகும். ஏற்கெனவே வேலையில் இருப்போருக்கு பதவி உயர்வும் ஊதிய உயர்வும் எதிர்பார்க்கலாம். கடக ராசிக்கு 8-க்குடைய சனி உச்சம் பெற்று 10-ஆம் இடத்தைப் பார்ப்பதால், சிலர் அரபு நாடுகளுக்குப் போய் வேலை பார்க்கலாம். கைநிறைய சம்பாதித்து சொந்த ஊரில் வீடு, மனை, பிளாட் வாங்கலாம். கடக ராசிக்கு 6-ஆம் இடத்தை சனி, ராகு, குரு பார்ப்பதால், 4-ஆம் பாவப் பலனுக்காக கடன் வாங்கலாம். 4-ஆம் இடம் வாகனஸ்தானம். 4-க்குடைய சுக்கிரன் வாகன காரகன். சுக்கிரனும் சனியும் பரிவர்த்தனை என்பதால் சிலர் கார் வாங்குவதற்காகவும், கடன் வாங்கலாம். சிலர் டூவீலர் வாங்கலாம். சிலர் "ஃபோர் வீலர்' வாங்கலாம்.

7-க்குடைய சனி, ராகு சம்பந்தம் என்பதால் சிலருக்கு காதல் திருமணம் அல்லது கலப்புத் திருமணம் நடக்க இடமுண்டு. 7-க்குடையவரை குரு பார்ப்பதால் பெற்றோர் சம்மதத்துடன் மேற்படி திருமணம் நடக்கும். குரு ஜூன் மாதம் கடக ராசிக்குமாறி உச்சம் அடையும்போது கடகத்துக்கு 7-ஆம் இடத்தைப் பார்க்கும் காலம், காதல் திருமணத்தில் ஒருதலைக் காதலாக இருந்தால்- காமோகர்ஷண ஹோமம் செய்துகொண்டால்  முறையற்ற காதல் நிறைவேறாமல் போய்விடும்.

4-ல் சனி, ராகு நிற்பதால், சிலர் கடந்த வருடத்தில் ஆரோக்கியக் குறைவையும் அறுவை சிகிச்சை போன்ற அவஸ்தைகளையும் தந்திருக்கலாம். செவ்வாய்- சனி பார்வைக்குப் பிறகு அந்நிலைமாறி முன்னேற்றமான திருப்பங்களைக் கொடுத்தாலும்- புது வருடத்திலிருந்து 100-க்கு 100 என்பதைவிட- 100-க்கு 150 மடங்கு முழு சுகத்தையும் ஆரோக்கியத்தையும் ஏற்படுத்தும் என்பதை ஆணித்தரமாகச் சொல்லாம்.

நோய் குணமாகியும் ஓய்வில் இருக்கும்படியான சூழ்நிலையில் கட்டிப்போட்ட மாதிரி இருந்தவர்களுக்கு இந்த ஆங்கிலப் புதுவருடத்தில் இருந்து சுதந்திரமாக உலா வருதலும்- சுறுசுறுப்பாகவும் விறுவிறுப்பாகவும் செயல்படுவதுமான சூழ்நிலை உண்டாகிவிடும். வெய்யிலில் அலையக் கூடாது- மழையில் நனையக் கூடாது- அசைவ உணவு சாப்பிடக் கூடாது- உப்பு, புளி, காரம் சேர்க்கக்கூடாது என்றெல்லாம் கட்டுண்டு கிடந்தவர்கள் எல்லாம் கட்டுப்பாடுகளைக் களைந்து தூக்கியெறிந்துவிட்டு விருப்பப்பட்ட உணவுகளைச் சாப்பிடலாம். சைக்கிளிலும், டூவீலரிலும், காரிலும் முன்புபோல் ஊர் சுற்றலாம். இனிமேல் எந்த ஒரு சங்கடமும் இல்லை; சஞ்சலமும் இல்லை. 4-ல் சனி, ராகு நிற்க எப்படி முழு ஆரோக்கியம் ஏற்படும் என்று சந்தேகமாக இருக்கிறதா?

4-ல் உள்ள சனி, ராகுவை வருட ராசிநாதன் குரு பார்ப்பதோடு, வருட லக்னமான கன்னி லக்னத்துக்கு 4-ஆம் இடமான தனுசுவையும் மிதுன குரு பார்ப்பதே காரணம். அடுத்து ஜூன் மாதம் வருட லக்னத்துக்கு- கன்னிக்கு 4-க்குடைய குரு உங்கள் ராசியில் கடகத்தில் உச்சம் பெற்று 9-ஆம் இடத்தைப் பார்க்கப்போவதும் ஒரு காரணம்!

7-க்குடைய சனி 7-க்கு 10-ல் உச்சம் பெற, சுக்கிரனும் சனியும் பரிவர்த்தனையாக இருப்பதாலும், மனைவிக்கு வேலைவாய்ப்பும் அல்லது மனைவி பேரில் தொழில் யோகமும் உபரி வருடமானமும் ஏற்பட இடமுண்டு. ஏஜென்ஸி அடிப்படையில் அல்லது யந்திர சம்பந்தமான அல்லது நூல் ஆடை, அலங்கார சாதனங்கள் சம்பந்தப்பட்ட தொழில்கள் லாபகரமாக இருக்கும். படித்துப் பட்டம்பெற்ற மனைவிகளுக்கு அரசுப் பணி அல்லது தனியார் வேலை அமைய வாய்ப்புண்டு.

3-க்குடைய புதன் கடகத்துக்கு 6-ல் மறைந்து செவ்வாய், சனி, ராகு பார்வையைப் பெறுவதால், உடன்பிறப்புகள் வகையில் ஒருசிலருக்கு காரணமில்லாத கவலைகளும் பிரச்சினைகளும் ஏற்படலாம். என்றாலும் குருவும் புதனைப் பார்ப்பதோடு, புதனும் குருவும் பரிவர்த்தனை என்பதால், நீரடித்து நீர் விலகாது  என்பதுபோல சங்கடங்களும் சஞ்சலங்களும் நீங்கிவிடும். சுக்கிரனும் சனியும் பரிவர்த்தனை- புதனும் குருவும் பரிவர்த்தனை. ஒரு ஜாதகத்தில் ஆட்சி, உச்ச பலனைவிட பரிவர்த்தனை யோகம் பெறும் கிரகங்களுக்குத்தான் முழு யோகம் உண்டாகும். அதேபோல தர்மகர்மாதிபதி யோகத்துக்கும் அதிநன்மை ஏற்படும்.

கடக ராசிநாதன் சந்திரனும், பாக்கியாதிபதியான குருவும் ஒருவருக்கொருவர் சமசப்தம கேந்திரத்தில் இருப்பதால் கெஜகேசரி  யோகம் உண்டாகிறது. குருவும் சந்திரனும் சேர்ந்திருந்தால் குருச்சந்திர யோகம். கேந்திரமாக இருந்தால் கெஜகேசரி யோகம். சந்திரன் 6-லும் குரு 12-லும் மறைவதால் மைனஸ் பாய்ண்ட் என்றாலும், சந்திரன் கடக ராசிநாதன் என்பதோடு, குரு கடக ராசிக்கு உச்சநாதன் என்பதால் இருவருக்கும் விதிவிலக்கு உண்டு. ஆகவே மேலே சொன்ன யோகங்கள் எல்லாம் பிளஸ் பாயிண்டாக மாறிவிடும்.

நீண்டகாலம் நிலவிய குடும்பப் பிரச்சினைகள் எல்லாம் தீரும். கணவன்- மனைவி, பிள்ளைகள், உடன்பிறப்புகள், உற்றார்- உறவினர்கள் வகையில் ஒற்றுமையும் உடன்பாடும் உதவிகளும் உண்டாகும். வீடு பத்திரப்பதிவு, மனை ஆரம்பம், கிரகப்பிரவேசம் போன்ற திட்டங்கள் வெற்றியடையும். வீட்டுக்குத் தேவையான ஆடம்பர, அலங்காரப் பொருட்கள் எல்லாம் வாங்கலாம். சிலர்  உள்ளூரைவிட்டு வெளியூரில் வாங்கிப் போட்ட காலி மனை- பிளாட்டை நல்ல விலைக்கு விற்றுவிட்டு, உள்ளூரில் வேறு இடம் பரிவர்த்தனை செய்யலாம். அல்லது வாகனம் வாங்கலாம். நல்ல காரியங்கள் நிறைவேறும். மொத்தத்தில் இந்த வருடம் இனிய வருடமாக அமையும்.

இந்த வருடம் முக்கியமான இரண்டு கிரகப்பெயர்ச்சிகள் ஏற்படுகின்றன. 13-6-2014-ல் குருப்பெயர்ச்சியும், 21-6-2014-ல் ராகு- கேது பெயர்ச்சியும் ஏற்படுகிறது.

இதுவரை கடக ராசிக்கு 12-ல் மறைவாக இருந்த குரு 13-6-2014-ல் ஜென்ம ராசிக்கு உச்சமாக மாறுவார். 6, 9-க்குடையவர் ஜென்மத்தில் உச்சம் பெற்று 9-ஆம் இடத்தைப் பார்க்கக்கூடும். அது பூர்வ புண்ணியஸ்தானம். 9-க்குடையவரே 9-ஆம் இடத்தைப் பார்ப்பது உன்னதம்! அதனால் குருவருளும் திருவருளும் பரிபூரணமாக விளங்கும். தெய்வானுகூலம் தேடிவரும். இதுவரை நீங்கள் செய்த பூஜாபலனும் பிரார்த்தனைகளும் ஜெப  தபங்களும் இனிமேல்தான் வேலை செய்யப்போகிறது. இதுவரை உங்கள் வழிபாடு முனிவர்கள் தவம் இயற்றியதுக்குச் சமம். உங்கள் தவத்தை மெச்சி தெய்வம் நேரில் தோன்றி நீங்கள் கேட்கும் வரத்தைக் கொடுப்பதுபோல, இனி நீங்கள் விரும்பியதும் வேண்டியதும் கிடைக்கும். நியாயமான ஆசைகள் எல்லாம் நிறைவேறும்.

அடுத்து கடக குரு 5-ஆம் இடத்தையும், 7-ஆம் இடத்தையும் பார்க்கப்போவதால், திருமணம், புத்திர பாக்யம் போன்ற நன்மைகளும் நல்லதும் நடக்கும். ஏற்கெனவே திருமணமாகி பிள்ளைகளைப் பெற்றெடுத்தவர்களுக்கு மனைவி- மக்கள் எதிர்காலத்துக்காக இன்சூரன்ஸ் பண்ணுவது- பிக்சட் டெபாசிட் சேமிப்பது போன்ற வைப்புநிதி முதலீடுகள் செய்யும்படி அமையும். 9-ஆம் இடம் என்பது திரிகோணஸ்தானம், அதற்குடைய குரு 5, 9 என்ற திரிகோணத்தைப் பார்ப்பதால் எல்லாம் நலம்- எல்லாம் வளம்- எல்லாம் இன்பமயம்!

குரு திரிகோணத்தில் பலம் என்பதுபோல சனி கேந்திரத்தில் பலம். சனி கடக ராசிக்கு 4-ஆம் இடம் கேந்திரத்தில் பலம் பெற்று லக்ன கேந்திரத்தையும், தசம கேந்திரத்தையும் (10-ஆம் இடத்தையும்) பார்ப்பதால், உங்கள் ஆற்றலும் திறமையும் பளிச்சிடும்; வெளிப்படும். ஊரும் உலகமும் நண்பர்களும் மற்றவர்களும் உங்கள் திறமையைக் கண்டு வியந்து போற்றிப் புகழ்வார்கள். டி.வி. நிகழ்ச்சியில் புதுப்புது இசைக் கலைஞர்கள் தங்கள் சாதனையைப் படைத்து பாராட்டுப்பெறுவதுபோல, உங்கள் தொழில் துறையில் நீங்களும் புகழ்பெறலாம்,

10-ல் கேது இருப்பதால் ஆன்மிகம், ஜோதிடம், மருத்துவத் துறையிலும் பிரகாசிக்கலாம். 10-ஆம் இடத்தை செவ்வாய் பார்ப்பதால் கட்டட காண்ட்ராக்ட் தொழில் துறையிலும் மேன்மையடையலாம். அல்லது ஹோட்டல், அக்னி சம்பந்தமான தொழில் ஆரம்பித்து பிரபலம் அடையலாம். சனியும், ராகுவும் 10-ஆம் இடத்தை பார்ப்பதால் கம்ப்யூட்டர், டிராவல்ஸ், யந்திர சாதன இரும்புத்தொழில் வகையிலும் பேர் எடுக்கலாம். லாபம் தேடலாம்.

21-6-2014-ல் துலா ராகு கன்னியிலும் மேஷ கேது மீனத்திலும் மாறுவார்கள். 3-ஆம் இடம் ராகுவுக்கு யோகமான இடம். 9-ஆம் இடம் மீனம். அந்த பூர்வபுண்ணிய ஸ்தானத்தில் வரும் கேது அந்த வீட்டுக்குடைய குருபார்வையைப் பெறுவது விசேஷம். முன்னரே சொன்ன மாதிரி, ஆன்மிக ஈடுபாடும் ஆன்மிகத்தொண்டும் தொடரும். சிலர் அறநிலையத்துறையில் தர்மகர்த்தா பதவி, ஆன்மிகத்தொண்டர் பணி, ஆலயத் திருப்பணிக் குழுவின் பொறுப்பு ஏற்கலாம். சகோதர சகாயம், முஸ்லிம் நண்பர்களின் நட்பு, உதவி போன்ற நன்மைகளையும் 3-ஆம் இடத்து ராகு தருவார். இஸ்லாமிய  ஜாதகர்கள் வக்ப் போர்டில் முக்கிய பொறுப்புகள் ஏற்கலாம்.
2014 - கடக ராசி மாத பலன்கள்

ஜனவரி

உடல் ஆரோக்கியத்தில் தெளிவும் சுகமும் முன்னேற்றமும் உண்டாகும். மருத்துவச் செலவுகளும் ஆஸ்பத்திரி அலைச்சலும் விட்டுவிலகிவிடும். முயற்சிகளில் முன்னேற்றமும் தொழில் துறையில் வளர்ச்சியும் எதிர்பார்க்கலாம். குடும்பத்தில் மகிழ்ச்சி தரக்கூடிய நிகழ்ச்சிகள் இடம் பெறும். கொடுக்கல்- வாங்கலும் தாராளமாக நடைபெறும். பயணங்களும் பலன் தரும்.

பிப்ரவரி

இந்த மாதம்  பொருளாதாரரீதியாக எந்தப் பிரச்சினைகளும் இருக்காது. தாராளமான வரவு- செலவுகளும் கொடுக்கல்- வாங்கல், வாக்கு நாணயமும் காப்பாற்றப்படும். புதிய ஒப்பந்தங்கள் கையெழுத்தாகி புதிய வேலைகளைத் தொடங்கலாம். இடம், பொருள் கிரயம் ஏற்படவும் இடமுண்டு, உடல்தெம்பும் மனத்தெம்பும் இருப்பதால் உற்சாகமாகச் செயல்பட்டு சாதிப்பீர்கள்.

மார்ச்

தொழில், வியாபாரம் மந்த நிலையில் நடந்தாலும் தேக்கம் இருக்காது. வியாபாரிகளுக்கு வருமானவரி, வர்த்தகவரி பிரச்சினைகள் சற்று வருத்தமளிக்கலாம். "மாமூல்' செலவு கூடுதலாக அமையும். ஹோட்டல், லாட்ஜ் அதிபர்களுக்கு டென்ஷன் அதிகமாக இருக்கும். உத்தியோகஸ்தர்களுக்கு பணியில் தொல்லைகள் இருந்தாலும் பாதிப்பு இருக்காது!

ஏப்ரல்

தமிழ்ப் புதுவருடம் ஜயவருடம் 14-ஆம் தேதி பிறக்கிறது. அஸ்தம் நட்சத்திரம், கன்னி ராசி, மேஷ லக்னத்தில் தமிழ்வருடப் பிறப்பு. உங்கள் ராசிக்கு சகாய ராசி. உங்கள் ராசிநாதன் சந்திரனின் நட்சத்திரம். 10-ஆவது  லக்னம். ஆக, ஆங்கிலப் புதுவருடமும், தமிழ்ப் புதுவருடமும் உங்கள் வாழ்க்கையில் ஏற்றத்தையும் மாற்றத்தையும் முன்னேற்றத்தையும் தரும் என்பதில் எந்த வகையிலும் சந்தேகமில்லை. பிள்ளைகள் விளையாட்டுத் தனமாக இருந்தாலும் படிப்பில் தனிக்கவனம் செலுத்துவார்கள்.

மே

12-ல் குரு அடுத்தமாதம் கடக ராசிக்கு மாறப்போகிறார் அதற்குள் எதிர்பாராத செலவுகளையும் விரயங்களையும் ஏற்படுத்தலாம். உறவினர்கள், விருந்தாளிகள் வகையிலும் தவிர்க்க முடியாத செலவுகள் உண்டாகும். எதிர்பாராத பயணங்களும் லாபமும் வெற்றியும் உண்டாக்கும். உத்தியோகத்தில் இருப்பவர்களுக்கு மேலாதிகாரிகளின் ஆதரவும் அனுசரணையும் உண்டாக்கும். தொழில் அதிபர்களுக்கும் சிப்பந்திகளுக்கும் நல்ல உடன்பாடு ஏற்படும்.

ஜூன்

இம்மாதம் 13-ஆம் தேதி குருப்பெயர்ச்சியும், 21-ஆம் தேதி ராகு- கேது பெயர்ச்சியும் ஏற்படுகிறது. இந்தப் பெயர்ச்சிகள் உங்களுக்கு யோகமான சிறப்பான பெயர்ச்சியாக அமையும். பழம் நழுவிப்பாலில் விழுந்த மாதிரி அதியோகமாக இருக்கும். ராசிக்கு 3-ல் ராகு வருவது மிக உத்தமம். குரு ஜென்மத்தில் இருந்தாலும் உச்சமாகி சுபஸ்தானங்கள் (5, 7, 9) பார்ப்பது யோகம்தான். குருப்பெயர்ச்சிக்கு தென்காசி செங்கோட்டை அருகில் புளியறை சென்று வழிபடவும். ராகு- கேது பெயர்ச்சிக்கு கும்பகோணம் அருகில் திருநாகேஸ்வரம் சென்று வழிபடவும்.

ஜூலை

இந்த மாதம் செல்வந்தர்களையும் பிரபலமான வி.ஐ.பிக்களையும் உங்கள் அறிவுத்திறனால் வசப்படுத்துவீர்கள். அப்போதைக்கு அதனால் எந்த நன்மையும் பயனும் தெரியாவிட்டாலும், பின்நாளில் பெரிய நன்மைகள் உண்டாகும். தொழில் முன்னேற்றத்துக்கும் பொருளாதார வளர்ச்சிக்கும் அது அஸ்திவாரமாக அமையும், உங்கள் வாழ்க்கைத்தரம் உயர்வதற்கு இது ஒரு பிள்ளையார் சுழி என்று நிம்மதி அடையலாம்.

ஆகஸ்டு

உடல் ஆரோக்கியத்தில் கவலைப்படும் படியான சங்கடம் ஏதுமில்லை யென்றாலும், சர்க்கரைநோய் உள்ளவர்கள் கட்டுப்பாடாக இருக்கவேண்டும். சர்க்கரை என்பது ஒரு பெரிய நோய் அல்ல என்றாலும் (ஸ்லோ கில்லர்)  மெதுவாக மரணத்தை உண்டுபண்ணக்கூடும் என்பார்கள். உணவுக் கட்டுப் பாடு இருந்தாலே போதும்; மருந்துகள் தேவையில்லை எனலாம். யோக தியானப் பயிற்சியில் ஈடுபடுவது நல்லது. தினசரி நடக்க வேண்டும் என்பார்கள்.

செப்டம்பர்

தொழிலாளர்களுக்கு வேலை பளு அதிகமாகும். உழைப்பின் ஊதியத்தை திட்டமிட்டபடி பயன்படுத்த முடியாமல் திசை மாறிச் செலவாகும். இருந்தாலும் பணத்தட்டுபாடு இருக்காது. பொருளாதாரத்தில் பற்றாக்குறை வராது. அதே சமயம் தேவைகள் பூர்த்தியடையும். வரவுகள் தாராளமாக இருக்கும். சேமிப்பு இருக்காது. சிலகாரியங்களை அக்கம்பக்கம் கடன் உடன் வாங்கி நிறைவேற்றும் நிலை.

அக்டோபர்

இந்த மாதம் 20-ஆம் தேதி முதல் நவம்பர் 19 வரை சனி அஸ்தமனமாக இருக்கிறார். 4-ல் உள்ள சனி அஸ்தமனத்துடன் ராசியைப் பார்ப்பது பிரச்சினைதான். 8-க்குடையவர் அஸ்தமனமாவது நல்லது. ஆனால் 7-க்குடையவர் அஸ்தமனடைவது நல்லதில்லையே! அதனால் திருமண மாகாதவர்களுக்கு திருமணத்தடையும் தாமதமும் ஏற்படும். பெண்கள் பார்வதி சுயம்வர கலா ஹோமமும், ஆண்கள் கந்தர்வ ராஜஹோமமும் செய்து கொண்டால் நல்ல வாழ்க்கைத் துணை அமையும். திருமணமானவர்களுக்கு கணவன் மனைவிக்குள் சிறுசிறு பிரச்சினைகள் ஏற்பட்டாலும் உச்சம் பெற்றகுரு கடகத்திலிருந்து 7-ஆம் இடத்தைப் பார்ப்பதால், பிரச்சினை களுக்கு தீர்வு உண்டாகும். 

நவம்பர்

சனியின் அஸ்தமனம் 19-ஆம் தேதியுடன் நிவர்த்தியாகி, உதயமாகி விடுவார். அதனால் கடந்த ஒரு மாதகாலமாக சனியின் அஸ்தமனத்தால் அனுபவித்த எல்லாப் பிரச்சினைகளுக்கும் இப்போது விமோசனம் ஏற்படும். பிரச்சினைகள் வரும்போது அவற்றை சமாளிப்பதில் ஒரு சாமர்த்தியமே உள்ளது. சில சமயம் ஒரு சரித்திரமே அடங்கும். போட்டி இருந்தால்தான் உங்கள் ஆற்றலும் எக்ஸ்ட்ரா திறமையும் வெளிப்படும்.

டிசம்பர்

இந்த மாதம் 16-ஆம் தேதி சனிப்பெயர்ச்சி வருகிறது. இரண்டரை ஆண்டுகள் துலாராசியில் உச்சமாக இருந்த சனி கடக ராசிக்கு  5-ஆம் இடம் விருச்சிகத்துக்கு மாறுவார். சிம்ம ராசியில் இருக்கும் குரு வக்ரமடைந்து டிசம்பர் 24-ல் கடகத்துக்கு மாறி ஆறுமாதத்துக்குமேல் மீண்டும் சிம்மத்துக்கு மாறுவார். அதுவரை கடக குரு விருச்சிக சனியைப் பார்ப்பதால் சனி இனியவராக மாறி நற்பலன் தருவார்.

புனர்பூச நட்சத்திரக்காரர்களுக்கு:

புனர்பூச நட்சத்திரத்துக்கு 2014 வருடம் பிறக்கும் மூல நட்சத்திரம் 13-ஆவது நட்சத்திரம் 4-ஆவது க்ஷேமதாரை நட்சத்திர நாயகன் கேது வருட முற்பகுதியில் 10-லும் பிறகு 9-லும் சஞ்சரிக்க கடக குருவின் நட்சத்திர நாதனின் பார்வையைப் பெறும் காலம், உங்களுக்கு யோகமாகவும் க்ஷேமமாகவும் அமையும். தேக ஆரோக்கியம், சௌக்கியம், செயல்வேகம் எல்லாம் திருப்திகரமாக அமையும். குருவின் அருளைப் பெற கும்பகோணம் குடவாசல் வழி சேங்காலிபுரம் சென்று தத்தாத்ரேயரை வழிபடவும். ஆலய தொடர்புக்கு நாகசுப்பிரமணியம், செல்: 94872 92481.

பூச நட்சத்திரக்காரர்களுக்கு:

பூசம் சனியின் நட்சத்திரம். அதிலிருந்து 2014 வருடம் பிறக்கும் நட்சத்திரம் மூலம்- 12-ஆவது நட்சத்திரம்- 3-ஆவது விபத்தாரை. எனவே 2014-ல் எதிர்பாராத விபத்துகளையும் ஏமாற்றங்களையும் வைத்திய செலவுகளையும் சிலர் சந்திக்க நேரலாம். தொழில்துறையில் அரசு அதிகாரிகளினால் நஷ்டங் களையும் சிக்கல்களையும் சந்திக்கலாம். அரசியல்வாதிகளின் எதிர்ப்பும் இடையூறுகளும் ஏற்படலாம். கோவை- காரமடை அருகில் இருகம்பாளையம் ஜெயவீர ஆஞ்சனேயரை வழிபடவும். சுயஜாதக தசாபுக்தி நல்லபடி உள்ளவர்களுக்கு பாதிப்பு அதிகமிராது.

ஆயில்ய நட்சத்திரக்காரர்களுக்கு:

ஆயில்யம் புதனின் நட்சத்திரம். புதன்தான் 2014 வருடம் பிறக்கும் கன்னிலக்னாதிபதி. வருடம் பிறக்கும் நட்சத்திரம் மூலம். இது உங்கள் நட்சத்திரத்துக்கு 11-ஆவது நட்சத்திரம். 2-ஆவது சம்பத்தாரை. எனவே 2014-ல் உங்களுக்குப் பணத்தட்டுப்பாடே இருக்காது. கௌரவம், செல்வாக்கு, கீர்த்தி பெருகும். வி.ஜ.பிக்களின் தொடர்பும் அதனால் பயனும் பலனும் உண்டாகும். நீண்ட நாள் கனவுத்திட்டங்கள் எல்லாம் நிறைவேறும். உங்களை விட்டு விலகிப்போன சொந்த பந்தமும் சுற்றமும் நட்பும் உங்களோடு வந்து ஒட்டிக்கொள்ளும். நாகர்கோவில் ஆதிசேஷன் வழிபட்ட ஸ்தலம். ஆயில்யம் ஆதிசேஷனின் நட்சத்திரம். அங்கு சென்று வழிபடவும்.
Continue reading >>

2014 - மிதுன ராசி - ஆங்கில புத்தாண்டு பலன்கள் ? ஆன்மீக ஜோதிடர் - அதிர்ஷ்ட பெயரியல் ஆராய்ச்சியாளர் - ஆர் . இராவணன் BSC

0 கருத்துகள்

                                           
அன்பான வாசக உள்ளங்களுக்கு ஜோதிடர் ஆர். ராவணனின் வேண்டுகோள் . எமது இணைய தளத்தில் நீங்கள் வாசிக்கும் பயன் தரும் ஜோதிட கட்டுரைகளை வாசித்த பின்பு எமது இணைய தளத்தில் இருக்கும் விளம்பர படங்களை க்ளிக் செய்து அதனையும் பார்க்குமாறு அன்புடன் கேட்டு கொள்கிறேன் .

2014 - மிதுன ராசி -  பொதுப்பலன்கள்

இந்த வருட ஆங்கிலப் புதுவருடம் 2014 கன்னி லக்னம், தனுசு ராசி, மூல நட்சத்திரத்தில் பிறக்கிறது. மிதுன ராசிக்கு 4-ஆவது லக்னம்- 7-ஆவது ராசி- வருட லக்னாதிபதி புதன்- உங்கள் ராசியாதிபதியும் புதன். உங்கள் ராசிக்கு இரண்டும் கேந்திரம்! எனவே இந்த வருடம் உங்களுக்கு இனிய வருடமாகவும் ஏற்றமிகு வருடமாகவும் அமையும் என்பதில் எள்ளளவும் ஐயமில்லை.

பிறக்க போகும் 2014 ஆண்டின்  தொடக்கத்தில் மிதுன ராசிநாதன் புதனும், வருட ராசிநாதன் குருவும் பரிவர்த்தனையாக இருப்பதும் தனிச்சிறப்பு. குரு மிதுனத்திலும் புதன் தனுசுவிலும் பரிவர்த்தனை. பொதுவாக ஜனன ஜாதகத்தில் பரிவர்த்தனை கிரகங்கள் இருந்தாலும் அல்லது தர்மகர்மாதிபதி யோகம் இருந்தாலும் அந்த ஜாதகத்தில் எந்த கிரகங்கள் சோதனையைத் தந்தாலும் அவற்றைக் கடந்து சமாளிக்க முடியும். வலுவாக சாதனை புரியலாம். இழந்த பதவி, செல்வங்களை மீண்டும் பெறலாம் என்பது பொது விதி!

இந்த புது வருடமான 2014-ல் மேற்சொன்ன இரண்டு யோகமும் உண்டு. குருவும் சனியும் பரிவர்த்தனை- மிதுன ராசிக்கு 9-க்குடைய சனியை 10-க்குடைய குரு பார்ப்பதால் தர்மகர்மிதிபதி யோகம். எனவே மற்ற ராசிக்காரர்களைவிட மிதுன ராசிக்குக்கும் கன்னி ராசிக்கும் 2014 சூப்பர் வருடமாக அமையும்.

ராசிக்கு அதிபதியான ராசிநாதன் புதனை சனியும் செவ்வாயும் ராகுவும் பார்ப்பதும் சிறப்பு. கடந்த காலத்தில் வேலை- உத்தியோகத்தில், தொழில்துறையில் பல வகையிலும் நஷ்டப்பட்டவர்களுக்கும் கஷ்டப்பட்டவர்களுக்கும் இந்த வருடம் சொந்தத் தொழில் யோகமும், உத்தியோகத்தில் உயர்வும், முன்னேற்றமும் உண்டாகும். திருமணமாகாதவர்களுக்குத் திருமண யோகம், திருமணமானவர்களுக்கு வாரிசு யோகமும் உண்டாகும்.

களத்திர ஸ்தானம் என்று சொல்ல கூடிய 7-ஆம் இடத்தை சனி, ராகு, செவ்வாய் பார்ப்பது குற்றம்தான் என்றாலும், மிதுன ராசிநாதனும் வருட லக்னாதிபதியுமான புதன் 7-ல் இருப்பதோடு, வருட ராசிநாதன் குரு பார்ப்பதால் தோஷம் நீங்குகிறது. அதேபோல் 5-ஆம் இடத்துக்கும் குருபார்வை இருப்பதோடு 5-க்குடைய சுக்கிரனும் 8-க்குடைய வரும் பரிவர்த்தனை யோகம்! அப்படியே திருமணத் தடையும் தாமதமும் இருந்தால், ஆண்கள் கந்தர்வராஜ ஹோமமும், பெண்கள் பார்வதி சுயம்வரகலா ஹோமமும் செய்து கொள்ளலாம்.

அதேபோல ஜாதகத்தில் புத்திர தோஷம் இருந்தால் வாஞ்சா கல்ப கணபதி ஹோமமும், புத்திர ப்ராப்தி ஹோமமும், சந்தான பரமேசுவர ஹோமமும்,  சந்தான கோபாலகிருஷ்ண ஹோமமும் செய்தால் வாரிசு யோகம் பெறலாம்.  குரு சனியையும் ராகுவையும் பார்ப்பதோடு, 2014 ஜூன் மாதம் கடகத்தில் குரு உச்சம் பெற்று தொழில் ஸ்தானம் மீனத்தைப் பார்க்கப்போவதால், தொழில் சம்பந்தப்பட்ட யோகங்கள் தோல்வியில்லாமல் நடக்கும். தொட்டது துலங்கும்!

வேலையில் இருப்போர் சொந்தத் தொழில் தொடங்கலாம். குறைந்த சம்பளத்தில் குமுறுகிறவர்கள் நிறைந்த சம்பளத்தில் வேலை மாறலாம். அல்லது வெளிநாடு போகலாம்; கை நிறைய சம்பாதிக்கலாம். வெளிநாட்டில் சேமித்த பணத்தைக்கொண்டு உள்ளூரில் வீடு, மனை, வாகன யோகங்களை அமைத்துக்கொள்ளலாம். தகப்பனார் காலத்திலிருந்தே சொந்தவீடு என்பது கனவு வீடாக இருந்த நிலைமாறி நனவாகும்; நிஜமாகும். என்.ஆர்.ஐ வகையில் வங்கிக்கடனும் வாங்கி வீட்டைக் கட்டலாம்.

புதனின் வீடான  மிதுன ராசிக்கு 4-ஆவது இடமான கன்னியில் 2014-ஆம் வருடம் பிறப்பதால், ஜாதக அமைப்பு நன்றாக இருந்தால் 2014-ல் உங்களுக்கு சொந்த வீடு, வாகன யோகம் அமைந்துவிடும்.

மிதுன ராசிக்கு 9-ஆம் இடம் பூர்வ புண்ணியஸ்தானம். அதற்குடைய சனி உச்சம் பெற்று 4-க்குடைய புதனைப் பார்ப்பதால் சிலர் பூர்வீக இடத்தை நல்ல விலைக்கு விற்று புதிய வீடு வாங்கலாம்; அல்லது கட்டலாம். பூமிகாரகன் செவ்வாயும் புதனைப் பார்க்கிறார்.

லக்னத்தில் குரு நிற்பதாலும், புதனும் சூரியனும் ஜென்ம ராசியைப் பார்ப்பதாலும் உங்களுடைய செல்வாக்கு மேன்மையடையும்; திறமை, கௌரவம், செயல்பாடு ஆகியவற்றுக்கு முக்கியத்துவமும் மதிப்பும் உண்டாகும். கலைத்துறையிலும், பொதுவாழ்க்கையிலும். ஆன்மிகத்துறை யிலும், அரசியலிலும் ஈடுபட்டுள்ளோருக்கு பாராட்டும் மரியாதையும் பரிசும் கிட்டும். புதன் ஜோதிடகாரகன் என்பதால், ஜோதிட சம்பந்தமான ஆய்வும் மேற்கொள்ளலாம். ஜோதிடராக பரிமளிக்கலாம். வாக்குபலிதத்திற்கு இஷ்ட தெய்வ உபாசனை மேற்கொள்ளலாம்.
 
பிரிண்டிங் தொழில் - அச்சுத் தொழிலுக்கும், மருந்து வகையறாவுக்கும் புதன் அதிபதியாவார். அதனால் பிரிண்டிங், மெடிக்கல் போன்ற துறையிலும், ஏஜென்ஸி கமிஷன் அடிப்படைத் தொழில் துறையிலும் ஈடுபடலாம். அதிர்ஷ்ட வாய்ப்புகள் வாசலைத் தேடிவந்து கதவைத் தட்டும். வாய்ப்பைப் பயன்படுத்திக் கொள்வது உங்கள் பொறுப்பு!

களத்திர ஸ்தானம் என்று சொல்லகூடிய 7-ஆம் இடத்தை சனி, செவ்வாய், ராகு பார்ப்பதால், வாலிப வயதுடைய ஆண்களுக்கும் பெண்களுக்கும் காதல் திருமணம் அல்லது கலப்புத் திருமணம் நடக்க வாய்ப்புண்டு. 7-ஆம் இடத்தை 7-க்குடைய குருவே பார்ப்பதால், அது பெற்றோர் அல்லது பெரியோர் அனுமதியுடன் நடக்கும் எனலாம். ஆரம்பத்தில் சில எதிர்ப்புகளும் குழப்பங்களும் காணப்பட்டாலும் முடிவில் முழு சம்மதத்துடன் நிறைவேறும்.

2014 இந்த ஆங்கில புது வருடத்தில்  முக்கியமான இரண்டு கிரகப் பெயர்ச்சிகள் ஏற்படுகின்றன. 13-6-2014-ல் குருப்பெயர்ச்சி. மிதுன ராசியில் இருக்கும் ஜென்ம குரு, 2-ஆம் இடமான கடகத்தில் உச்சம் பெறுவார். 7, 10-க்குடையவர் 2-ல் உச்சம் பெறுவது 100-க்கு 100 யோகமாகும்! கடக குரு 6-ஆம் இடத்தையும், 8-ஆம் இடத்தையும், 10-ஆம் இடத்தையும் பார்க்கப்போகிறார். 10-க்குடையவரே 10-ஆம் இடத்தைப் பார்ப்பது பலம்தான். அதனால் முன்னர் குறிப்பிட்டது போல தொழில் வளம் பெறும்; நலம் பெறும்; பலம் பெறும். கடகம் சந்திரன் ராசி! சந்திரன், சூரியன் ராஜகிரகம். எனவே 10-க்குடையவர் அங்கு இருப்பதால், அரசு வேலை கிடைக்க வாய்ப்புண்டு. அரசு வேலையில் இருப்போருக்கு உயர்வுண்டு; முன்னேற்றமுண்டு,

21-6-2014 -ல் ராகு- கேது பெயர்ச்சி. துலா ராசியில் நிற்கும் ராகு கன்னி ராசிக்கும், மேஷ ராசியிலிருக்கும் கேது மீன ராசிக்கும் மாறுவார்கள் இந்த இரு ராசிகளும் மிதுனத்துக்கு கேந்திர ராசிகளாகும். ராகு 4-ல், கேது 10-ல். எனவே ராகு- கேது பெயர்ச்சிகளும் உங்களுக்கு அற்புதமான பலன்களைத் தரும். தேக ஆரோக்கியம், தாயன்பு, கல்வி உயர்வு, பூமி, வீடு, வாகன சுகம் ஆகிய நன்மைகளையும்; தொழில் முன்னேற்றம், பதவி உயர்வு, முயற்சிகளில் வெற்றி ஆகிய நன்மைகளையும் தரும்.
2014 - மிதுன ராசி - மாத பலன்கள்

ஜனவரி

இந்த மாதத்தில் ஏற்கெனவே செய்துவரும். தொழிலில் சீரான வளர்ச்சியை சந்திக்கலாம். அரசுவேலை அல்லது தனியார் பணியில் இருப்பவர்களுக்கு முன்னேற்றம் உண்டாகும். நிலபுலங்கள் அல்லது குடியிருப்பு மனை சேர்க்கையோ அல்லது அவற்றை ஆதாயமான விலைக்கு விற்று லாபம் பார்ப்பதோ அல்லது சொத்துப் பரிவர்த்தனையோ நடக்கும். சுக்கிரனும் சனியும் அனுகூலமாக உலவுவதால் கணவன்- மனைவி தாம்பத்திய வாழ்க்கையில் சந்தோஷமும் திருப்தியும் உண்டாகும். கலைஞர்கள்- உழைப்பாளிகளுக்கு சிறப்பான மாதம். தெய்வப்பணிகளில் அல்லது பொதுப்பணியில் ஈடுபட்டுள்ளோருக்கும் பாராட்டும் மதிப்பும்  கிடைக்கும்.

பிப்ரவரி

இந்த மாதம் சூரியன், செவ்வாய், ராகு- கேது, சனி ஆகியோரது சஞ்சார பலம் சாதகமாக அமைவதால், தொழில் துறையில் வளர்ச்சி காணலாம். அரசியல்வாதிகளுக்கு மதிப்பு உயரும். குடும்பத்தில் சலசலப்பு குறைந்து கலகலப்பு உண்டாகும். சில காரியங்கள் வழவழா என்று இழுக்கும். சில காரியங்கள் சட்டிசுட்டது கைவிட்டது என்று பட்டென்று முடிந்துவிடும். கொடுக்கல்- வாங்கல், வரவு- செலவு நன்றாக இருந்தாலும்கூட- உங்களிடம் பணம் வாங்கியவர்கள் சொன்னபடி திருப்பித்தரமாட்டார்கள். ஆனால் நீங்கள் கொடுக்க வேண்டியவர்களுக்கு மட்டும் நாணயமாகத் திருப்பிக் கொடுத்துவிடுவீர்கள்.

மார்ச்

இந்த மாதம் சனி வக்ரம் அடைவார். நான்கு மாதங்கள் வக்ரத்திலேயே இருப்பார். (ஜூன் முடிய). செவ்வாயும் கன்னியில் வக்ரம் அடைவார். பொதுவாக அஸ்தமனத்தைவிட வக்ரம் நற்பலன் தரும் என்றாலும், ஜாதக தசாபுக்திகளை அனுசரித்தே நற்பலனோ துர்ப்பலனோ நடக்கும். 5-ல் சனி, ராகு; 4-ல் செவ்வாய். எனவே பிள்ளைகள் வகையில் சிலர் தொல்லைகள் அனுபவிக்கலாம். சிலருக்கு சுகக்கேடு அல்லது தாயார் வரவு வகையில் சலனம் ஏற்படலாம். சிலருக்கு இடப்பெயர்ச்சி, குடியிருப்பு மாற்றம் அல்லது ஊர் மாற்றம் ஏற்படலாம். சொந்தத் தொழில் அல்லது தரகுத் தொழில் செய்கிறவர்களுக்கு சில காரியங்கள் முடிவுக்கு வருவதுபோல் தெரியும். கடைசி நேரத்தில் கைநழுவிப்போய்விடும். நடப்பது நன்மைக்கே என்று சாந்தியடையலாம்.

ஏப்ரல்

இந்த மாதம் 14-ல் தமிழ்ப் புதுவருடம் பிறக்கிறது. அஸ்த நட்சத்திரம், கன்னி ராசி, மேஷ லக்னம். உங்கள் ராசிக்கு 4-ஆவது ராசி, 11-ஆவது லக்னம். தமிழ்ப் புத்தாண்டு மிகமிக அற்புதமாகவும் லாபகரமாகவும் அமையும். கடந்த காலத்தில் அனுபவித்த சங்கடங்களும், சஞ்சலங்களும் புதுவருடத்தில் அடியோடு மாறிவிடும். ஆனந்தமும் திருப்தியும் உண்டாகும். பக்தி மார்க்கத்திலும் ஞானமார்க்கத்திலும் ஈடுபாடு உண்டாகும். அதனால் மனதில் நிறைவும் மகிழ்ச்சியும் மலரும். தொழில் வளர்ச்சியடையும். வேலையில் நிலவிய கிளர்ச்சி மறையும். பொருளாதார நெருக்கடி நிலைமாறி, சரளமான பணப்புழக்கமும் தாராளமான வரவு- செலவும் உண்டாகும்.

மே

இந்த மாதம் பெரிய மாறுதல்கள் ஏதுமில்லாத அளவில் எல்லாம் வழக்கம்போல செயல்படும். குடும்பத்தில் விருந்தினர் வருகையும் உபசார செலவும் ஒரு பக்கம் கலகலப்பும் களிப்பும் ஏற்படுத்தினாலும், இன்னொரு பக்கம் தவிர்க்க முடியாத செலவுகளையும் அதிகரிக்கும். சிலருக்கு கேளிக்கை  விருந்துகளில்- விழாக்களில் பங்கெடுத்து செலவு செய்யும் அமைப்பும்; சிலருக்கு இன்பச் சுற்றுலா போகும் அமைப்பும் ஏற்படலாம். ஜாதக தசாபுக்தி பாதகமாக இருந்தால் பயணத்தாலும், பழக்கவழக்கத்தாலும், உணவுக் கட்டுப்பாடு இல்லாத காரணத்தாலும் ஆரோக்கியம் பாதிக்கப்படும். சுக ஸ்தானத்தில் செவ்வாய் இருப்பதால் அறுவை சிகிச்சை செய்யவேண்டிய ஆலோசனையும் சிலருக்கு உண்டாகலாம். சிங்கம்புணரி சித்தர் முத்து வடுக நாதர் வாத்தியார் கோவில் சென்று வழிபட்டால் ஆபரேசனை தவிர்க்கலாம்.

ஜூன்

இந்த மாதம் குருப்பெயர்ச்சியும் ராகு- கேது பெயர்ச்சியும் ஏற்படுகிறது! குரு மிதுன ராசியிலிருந்து 2-ஆம் இடம் கடகத்துக்கு மாறுவார். அங்கு உச்ச பலம் அடைவார். அதனால் பொருளாதாரத்தில் நிறைவு ஏற்படும். வாக்கு நாணயம் காப்பாற்றப்படும். வரவேண்டிய பணம் வசூலாகும். அரசு வழக்குகள் சாதகமாகும். தொழில் சிக்கல் தீரும். துலா ராகு- கன்னி ராசிக்கும், மேஷ கேது- மீன ராசிக்கும் மாறுவார்கள். இருவரும் பாபகிரகங்கள் கேந்திரத்தில் மாறுவதால் உங்களுக்கு நற்பலன்கள்தான். குருப்பெயர்ச்சிக்கு விரும்பிய குரு ஸ்தலம் போகலாம். ராகு- கேது பெயர்ச்சிக்கு உத்தமபாளையம், திருநாகேஸ்வரம், காளஹஸ்தி, சீர்காழி, கீழ்ப்பெரும்பள்ளம் போன்ற தலங்களுக்குப் போகலாம்.

ஜூலை

ராகு- கேது பெயர்ச்சியும் குருப்பெயர்ச்சியும் உங்களுக்கு அனுகூலமான பலன் தருவதோடு, இந்த மாதம் செவ்வாயும் துலா ராசிக்கு மாறுவார். சனியும் வக்ரநிவர்த்தியடைந்து அற்புதப்பலன்களைத் தருவார். உங்களுடைய செல்வாக்கு சீர் பெறும். தொழில் வளம் பெறும். தேக சுகம் நலம் சீர் பெறும். தனம், வருமானம் பெருகும். "ஆகும் காலம் மெய்வருந்த வேண்டாம்; போகும் காலம் கதவை அடைக்கவேண்டாம்' என்பார்கள். இப்போது எல்லாமே ஆகும் காலம். எனவே அதிகமாக உடலை வருத்தி கஷ்டப்படவேண்டாம். கடின முயற்சியும் செய்யவேண்டாம். எல்லாம் எளிதாக ஈடேறும்.

ஆகஸ்டு

போனமாதம் போலவே இந்த மாதமும் தொடர்ந்து நல்லதாகவே நடக்கும். நல்லநேரம் இருந்தால் கும்பிடப்போன தெய்வம் எதிரில் வரும் என்பார்கள். கெட்ட நேரம் இருந்தால் பரபரப்பாக விழுந்தடித்து கோவிலுக்குப் போனாலும் நடை சாத்தி கதவு மூடிவிடும். 10 மணி இண்டர்வியூக்கு 8 மணிக்கே புறப்பட்டாலும் போக்குவரத்து ஸ்தம்பித்து ரூட்மாறி போய் சேர 12 மணி ஆகிவிடும். ஜூலை 15-ல் துலாத்துக்கு மாறிய செவ்வாய்- அங்கிருக்கும் சனியோடும் சேர்ந்து மாதம் முழுவதும் தங்குவதால், ஒருசிலருக்கு மனதை பாதிக்கும் நிகழ்ச்சிகள் நடக்கும். சிலர் காதல் விவகாரத்தில் மாட்டிக்கொண்டு வாட்டம் அடைவார்கள். எச்சரிக்கை தேவை.

செப்டம்பர்

செவ்வாய், சனி சேர்க்கை விலகிவிடுகிறது. அஸ்தமன புதனும் உதயம் ஆகிறார். குருவின் அஸ்தமனமும் நீங்கிவிட்டது. எனவே ஈடுபடும் காரியங்களிலும் செயல்களிலும் உங்கள் திறமை வெளிப்படும். சாதனைகள் புரியலாம். சங்கடங்களும் சஞ்சலங்களும் பிரச்சினைகளும் குறையும். சிலருக்கு தாய்- தந்தையரால் நன்மை ஏற்படும். சிலருக்கு பிள்ளைகளினால் ஆதரவும் உதவியும் கிடைக்கும். சிலருக்கு திருமண வாழ்வில் நிலவிய வருத்தங்கள் நீங்கும். பிரிந்திருந்த தம்பதிகள் இணைந்திட வழிபிறக்கும். பொருளாதாரம்- பண வரவு- செலவு, கொடுக்கல்- வாங்கல் எல்லாம் திருப்திகரமாக இருக்கும்.

அக்டோபர்

கோட்சார கிரகங்கள் சாதகமாகவே இருப்பதால் குறித்தபடி எல்லாம் நடக்கும். நண்பர்கள், உற்றார்- உறவினர்கள் வகையிலும் குடும்பத்திலும் மகிழ்ச்சிகரமான நிகழ்ச்சிகள் இடம்பெறும். ஆடை, பொன் ஆபரணங்கள் சேரும். வீட்டுக்குத் தேவையான கட்டில், பர்னிச்சர், கிரைண்டர், ஃபிரிட்ஜ் போன்ற பொருள்களை வாங்கலாம். சிலர் வீட்டுக்கு ஏஸி வசதியும், யு.பி.எஸ் வசதியும் செய்யலாம். செலவோடு செலவாக இவற்றைச் செய்வதற்கு குடும்பத்தில் எதிர்ப்புத் தெரிவித்தாலும், உங்கள் திட்டம்போல எல்லாவற்றையும்  செயல்படுத்தலாம். புதுமணத் தம்பதிகளுக்கு தலைத் தீபாவளி கொண்டாட்டம்!

நவம்பர்

கடந்த மாதம் பண்டிகைச் செலவுகளால் வரவுக்கு மீறிய செலவுகளும்,  எதைச்செய்வது எதைவிடுவது என்று புரியாமலே எல்லாவற்றையும் ஒரே நேரத்தில் செய்துமுடித்ததால் பொருளாதாரம் பாதித்திருக்கலாம். அதைச் சரிக்கட்ட இந்த மாதம் கடன் கொடுப்பவர்களைத் தேடி அலைவீர்கள். கடனும் கிடைக்கும். அதேசமயம் கடன் கேட்பதிலும் வாங்குவதிலும் ஒரு கட்டுப்பாடும் இலட்சியமும் வேண்டும். தகுதியானவர்களிடம்தான் கடன் வாங்கவேண்டும். தகுதியற்றவர்களிடம் கடன் வாங்கினால் கடைசியில் மரியாதை கெட்டு போராட்டத்தைச் சந்திக்க நேரிடும். கடன் பிரச்சினை விஸ்வரூபம் எடுக்காமல் இருக்க கும்பகோணம் அருகில் திருச்சேறை சென்று கடன் நிவர்த்தீஸ்வரரை வழிபடவும். கோவில் தொடர்புக்கு: சுந்தரமூர்த்தி  குருக்கள், செல்: 94437 37759.

டிசம்பர்

இந்த மாதக் கடைசியில் சனிப்பெயர்ச்சி. டிசம்பர் 16-ல் துலா ராசியில் இருக்கும் சனி விருச்சிக ராசிக்கு மாறுவார். நடுவில் சிம்மத்தில் வக்ரமடையும் குருவும் டிசம்பரில் கடகத்துக்கு மாறுவார். விருச்சிக சனியை கடக குரு பார்க்கக்கூடும். மிதுன ராசிக்கு 9-க்குடைய சனிக்கு 10-க்குடைய குரு பார்வை என்பதால் தர்மகர்மாதிபதி யோகம் ஆகும். 2015- ஜூலை வரை கடகத்தில் குரு உச்சம்! எனவே புதிய ஆடை, அணிமணிகள், ஆடம்பரப் பொருள்கள் சேர்க்கை உண்டாகும். சிலர் மலிவுவிலைப் பொருட்கள் வாங்கலாம். சிலர் புதிய வாகனம்- டூவீலர் அல்லது கார் வாங்கலாம். சிலர் நிலத்தில் முதலீடு செய்யலாம். சுப முதலீடுதான்.

மிருகசீரிட நட்சத்திரக்காரர்களுக்கு:

2014-மூல நட்சத்திரத்தில் பிறக்கிறது. அது மிருகசீரிடத்துக்கு 15-ஆவது நட்சத்திரம்- 6-ஆவது ஸாதக தாரை, சுபதாரை. எனவே இந்த வருடம் உங்களுக்கு எல்லாம் சாதகமாகவும் அனுகூலமாகவும் இருக்கும். மிருகசீரிடம் முன்னிரண்டு  பாதம் (1, 2) ரிஷப ராசியிலும், பின்னிரண்டு பாதம் (3, 4) மிதுன ராசியிலும் அடங்கும். ரிஷப ராசியைவிட மிதுன ராசிக்காரர்களுக்கு இக்காலம் இனிமையான- யோகமான காலமாக அமையும். மிதுன குரு கடகத்தில் உச்சமானாலும் அந்த யோகம் தொடரும். வைத்தீஸ்வரன் கோவில் சென்று முத்துக்குமார சுவாமியையும், தன்வந்திரி பகவனையும் வழிபடலாம்.

திருவாதிரை நட்சத்திரக்காரர்களுக்கு:

திருவாதிரை- ராகுசாரம். 2014 பிறப்பது மூல நட்சத்திரத்தில். இது கேது சாரம். ராகுவும் கேதுவும் ஒரே கிரகம்- தலையும் வாலும். திருவாதிரைக்கு மூலம் 14-ஆவது நட்சத்திரம். (5-ஆவது தாரை). அது பகை தாரை. எனவே தேவையற்ற கவலைகளும் கற்பனைகளும் பயமும் ஏற்படலாம். குடும்பத்தில்  குழப்பம், வாக்குவாதங்கள், சர்ச்சை, சஞ்சலம் போன்றவை உண்டானாலும், குரு மிதுன ராசியிலும் மூலம் தனுசு ராசியிலும் இருக்க, குருபார்வை தனுசு ராசிக்குக் கிடைப்பதால் கெடுதல் விலக இடமுண்டு. திண்டுக்கல் மலைக்கு மேற்குப்புறம் (பின்புறம்) ஓத சுவாமிகள் ஜீவசமாதி உள்ளது. புரட்டாசி திருவாதிரை குரு பூஜை. அங்குசென்று வழிபடவும்.

புனர்பூச நட்சத்திரக்காரர்களுக்கு:

புனர்பூசம் குரு நட்சத்திரம். அதற்கு இந்த வருடம் பிறக்கும் மூல நட்சத்திரம் 13-ஆவது நட்சத்திரம். (4-ஆவது க்ஷேம தாரை). ஆகவே 2014-ல் உங்களுக்கு எல்லா வகையிலும் யோகமாகவும் க்ஷேமமாகவும் அமையும். பூமி, வீடு, வாகனயோகம் போன்ற நன்மைகள் நடக்கும். மாணவர்களுக்கு கல்வி மேன்மை ஏற்படும். எல்லாருக்கும் தேக சுகமும் ஆரோக்கியமும் திருப்திகரமாக இருக்கும். பொருளாதாரத்திலும் போதிய நிறைவும் திருப்தியும் எதிர்பார்க்கலாம். திருமணமாகாதவர்களுக்குத் திருமண யோகம் உண்டாகும்

உங்கள் குடும்பத்தில் பிரச்சனையா? கணவன் - மனைவி - இருவருக்கும் இடையே கருத்து  வேறுபாடா? திருமணம் தாமதம் ஆகும் நிலையா? திருமணம் ஆகி உங்களுக்கு குழந்தை பாக்கியம் இல்லையா? பிறந்த உங்கள் குழந்தைக்கு அதிர்ஷ்டகரமான முறையில் பெயர் அமையவில்லையா? சொத்து பிரச்சனையா? நிரந்தரமான வேலை வாய்ப்பு அமையவில்லையா? நீங்கள் செய்யும் தொழிலில் நஷ்டமா? உங்கள் கடைக்கோ - உங்கள் நிறுவனத்துக்கோ அதிர்ஷ்டகரமான முறையில் பெயர் அமையவில்லையா? கடன் பிரச்சனையால் அவதிபடுகிறீர்களா? பதவி உயர்வு கிடைக்கவில்லையா? வெளி நாடு சென்று சம்பாதிக்கும் முயற்சியில் தோல்வியா? உடலில் தீராத வியாதியா? வாழ்க்கையின் முன்னேற்றத்திற்க்காக நீங்கள் எடுக்கும் ஒவ்வொரு முயற்சியிலும் தோல்வியா? கவலையே வேண்டாம். இதற்க்கு காரணம் உங்களின் ஜாதகம் யோகமாக அமைந்திருந்தாலும் கூட உங்களின் பெயரின் அமைப்பு - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - போன்றவற்றிக்கு நன்மை தராத தீய கிரகங்களின் ஆதிக்கத்தில் அமைந்திருக்கலாம் . இத்தகைய அனைத்து பிரச்சனைகளில் இருந்து விடுபட உங்களின் ஜாதக அமைப்பை நன்கு அலசி ஆராய்ந்து - உங்களின் பிறந்த தேதி - பிறந்த தேதியின் கூட்டு எண் - ஹீப்ரு எண் - இவைகளுக்கு உடனடியாக நன்மை தர கூடிய வகையில் உங்களின் பெயரை அதிர்ஷ்ட பெயரியல் சாஸ்த்திர முறைப்படி சிறு திருத்தம் செய்து வாழ்க்கையில் நீங்கள் எடுக்கும் ஒவ்வொரு முயற்சியிலும் வெற்றி அடைய ஜோதிடத்தின் மூலம் வளமான வாழ்க்கைக்கு வழிகாட்டுகிறோம் .  

வெளி நாட்டில் இருந்து எம்முடன் ஜோதிடம் பார்க்க விருப்பம் உள்ளவர்களுக்கு மெயில் மூலமாகவும் தொலை பேசி மூலமாகவும் ஜோதிட ஆலோசனை வழங்குகிறோம் .

தொடர்பு கொள்ள வேண்டிய முகவரி :
ஜோதிடர் :R.ராவணன் .B.Sc
ஜோதிடம், கைரேகை, எண்கணித ஜோதிடம், 
அதிர்ஷ்ட பெயரியல் ஆராய்ச்சியாளர்
ராஜா முத்தையா மருத்துவமனை அருகில்,
கலுங்குமேடு   அண்ணாமலை நகர்,
சிதம்பரம், தமிழ் நாடு, இந்தியா 
MAIL ADDRESS: ammanastrology@gmail.com
Contact Numbers:
91 + 8122733328
Continue reading >>

சமீபத்திய கருத்துகள்